ডিজিটেল ডেস্কঃ আয়াৰলেণ্ডৰ বিৰুদ্ধে টি-২০ ছিৰিজ খেলি আছে পাকিস্তানে। দ্বিতীয়খন খেলৰ সময়ত মহম্মদ ৰিজৱানৰ এক ঘটনাক লৈ বিতৰ্কৰ সৃষ্টি হয়। পাক ক্ৰিকেটাৰে অনুৰাগীৰ বাবে অটোগ্ৰাফত চহী কৰি আছিল। কিন্তু সেইবাৰ তেওঁ পোষ্টাৰ এখনত চহী কৰিলে। সেই পোষ্টাৰত ইমৰাণ খানৰ ছবি আছিল। লগতে লিখা আছিল "ফ্ৰী ইমৰাণ খান।"
বিশ্বকাপ বিজয়ী পাকিস্তানৰ অধিনায়কগৰাকীও দেশৰ প্ৰাক্তন প্ৰধানমন্ত্ৰী। কিন্তু ইমৰাণক ১০ বছৰৰ শাস্তি প্ৰদান কৰা হৈছে। দেশৰ গোপন তথ্য সৰবৰাহৰ অভিযোগত পাকিস্তানৰ বিশেষ আদালতে তেওঁক ১০ বছৰৰ কাৰাদণ্ড বিহে।
ইয়াৰ পূৰ্বে ইমৰাণ খানক টোছাখানা গোচৰত পাকিস্তানী আৰক্ষীয়ে গ্ৰেপ্তাৰ কৰিছিল। তেতিয়াৰ পৰাই পাকিস্তানৰ প্ৰাক্তন প্ৰধানমন্ত্ৰীগৰাকী কাৰাগাৰত আছে। গ্ৰেপ্তাৰ হোৱাৰ লগে লগে সমগ্ৰ পাকিস্তানত প্ৰতিবাদৰ সূত্ৰপাত হয়। ইমৰাণৰ ৰাজনৈতিক দল তেহৰিক-ই-ইনছাফৰ সমৰ্থকসকলে বিক্ষোভ প্ৰদৰ্শন কৰে। ইমৰাণৰ মুক্তিৰ দাবীত পোষ্টাৰখনত স্বাক্ষৰ কৰে ৰিজৱানে।
Continue Reading
