ডিজিটেল ডেস্কঃ বৰ্তমান সময়ত হাৰ্ট এটেকৰ সংখ্যা দিনক দিনে বাঢ়িবলৈ ধৰিছে। বিশেষকৈ যুৱচামৰ মাজত ইয়াৰ প্ৰকোপ বেছিকৈ দেখিবলৈ পোৱা গৈছে। এনেবোৰ খবৰ সঘনাই শুনিবলৈ পোৱাৰ মাজতে পুনৰ আহিল এক শোকাৱহ খবৰ। জিমত ব্যায়াম কৰি থাকোতেই মৃত্যুমুখত পৰিল এগৰাকী আৰক্ষী কনিষ্টবল। এই শোকাবহ ঘটনাটো হায়দৰাবাদত সংঘটিত হৈছে।
জানিব পৰা মতে জিমত ব্যায়াম কৰি থকাৰ সময়তে হৃদৰোগত আক্ৰান্ত হৈ হায়দৰাবাদৰ এজন ২৪ বছৰীয়া আৰক্ষী কনিষ্টবলৰ মৃত্যু হয়। আচিফ নগৰ আৰক্ষী থানাৰ কনিষ্টবলগৰাকীৰ নাম বিশাল। বিশালে বৃহস্পতিবাৰে নিশা এটা জিমত ব্যায়াম কৰি আছিলে।
সেই সময়তে বিশাল হঠাতে মজিয়াত ঢলি পৰে। সমগ্ৰ ঘটনাটো চিচিটিভিৰ ফুটেজত ধৰা পৰে। ভিডিঅ’টোত দেখিবলৈ পোৱা গৈছে যে বিশালে জিমত পুছ-আপ কৰি আছিল। পুছ-আপ শেষ কৰাৰ পাছত তেওঁৰ কাহ আৰম্ভ হয় আৰু তেওঁ আগলৈ হালি যায়।
তাৰপাছত বিশালে জিমৰ এটা সঁজুলিত ধৰি ৰৈ থাকিবলৈ চেষ্টা কৰে যদিও তেওঁ মাটিত বাগৰি পৰি যায়। লগে লগে জিমত উপস্থিত থকা অন্য লোক সকলে বিশালক হাস্পতাললৈ লৈ যায় যদিও চিকিৎসকে বিশালক মৃত ঘোষণা কৰে। হৃদক্ৰিয়া বন্ধ হৈয়ে বিশালৰ মৃত হোৱা বুলি ঘোষণা কৰে চিকিৎসকে ।
Continue Reading
