ডিজিটেল ডেস্কঃ কংগ্ৰেছৰ দলীয় সংবিধানৰ ১৬ টা অনুচ্ছেদৰ আৰু ৩২ টা নিয়ম সংশোধন কৰা হ’ব৷ সংশোধন কৰিবলগীয়া নিয়মসমূহৰ ভিতৰত এটা হৈছে কংগ্ৰেছৰ প্ৰাক্তন সভাপতি আৰু এজন প্ৰাক্তন প্ৰধানমন্ত্ৰীক দলটোৰ কাৰ্যকৰী সমিতিৰ সদস্য হিচাপে নিযুক্তি প্ৰদান কৰা।
প্ৰস্তাৱটো গৃহীত হ'লে ছোনিয়া গান্ধী আৰু ৰাহুল গান্ধী চিডব্লিউচিৰ সদস্য হ'বলৈ সক্ষম হ'ব আৰু প্ৰাক্তন প্ৰধানমন্ত্ৰী মনমোহন সিঙেও দলটোৰ শীৰ্ষ সিদ্ধান্ত গ্ৰহণকাৰী সমিতি খনৰ সদস্য হ'ব পাৰিব। শুকুৰবাৰে ৰায়পুৰত অনুষ্ঠিত দলীয় বৈঠকত এই কথা প্ৰকাশ কৰে দলৰ সভাপতি মল্লিকাৰ্জুন খাৰ্গেই৷
খাৰ্গেক এই বিষয়ত সমিতি গঠন কৰাৰ ক্ষমতা দিয়া হৈছিল । বিশে সূত্ৰই প্ৰকাশ কৰা মতে অজয় মাকেন আৰু দিগ্বিজয় সিঙে চিডব্লিউচি নিৰ্বাচনৰ পক্ষত আছিল৷ এই প্ৰসংগত দলৰ সাধাৰণ সম্পাদক জয়ৰাম ৰমেশে কয়, "কংগ্ৰেছ সভাপতিক নতুন চিডব্লিউচি গঠনৰ বাবে কৰ্তৃত্ব প্ৰদান কৰাৰ সিদ্ধান্ত সৰ্বসন্মত আছিল।"
Continue Reading
