ডিজিটেল ডেস্কঃ জীৱ-জন্তুৰো আত্মসন্মান থাকে! সেই কথাই যেন প্ৰমাণ কৰি দিলে এটা কাছই। এজন যুৱকে কাছ এটা হাতত তুলি লৈ কাথটোক জিভা দেখুৱাই ভেঙুচালি কৰিছিল। কিন্তু এই কথাতেই যেন ক্ষুণ্ণ হৈ পৰে কাছটো। কাছটোৱে সুযোগ বুজি যুৱক জনৰ জিভা খন জোৰেৰে কামুৰি ধৰে।
ছ’চিয়েল মিডিয়াত ইতিমধ্যে ভিডিঅ'টো ভাইৰেল হোৱাৰ লগে লগে বহুতে যুৱকজনক তেওঁৰ কাৰ্য্যৰ বাবে সমালোচনা কৰিছে। কিছু নেটিজেনে এইদৰে কয়: "যেনে কাম , তেনে ফল।" আকৌ, বহুতে কৈছে যে যদি কোনোই জন্তু এটাক আমনি কৰে, তেন্তে তেনে লোকে এনে শিক্ষা লাভ কৰা উচিত।
ভিডিঅ'টোত দেখা গৈছে যে কাছটোৱে হঠাতে যুৱক জনৰ মুখৰ সন্মুখলৈ আহি তিনি বা চাৰিবাৰ তেওঁৰ জিভাখনত কামুৰি দিছিল। ভিডিঅ’টোত যুৱকজনক তেওঁৰ জিভা খন কাছক কামোৰৰ পৰা ৰক্ষা কৰিবলৈ চেষ্টা কৰা দেখা গৈছে।
নেটিজেনৰ এটা অংশই যুৱকজনৰ কাৰ্য্যত খং প্ৰকাশ কৰিইয়াক 'সঠিক শিক্ষা' বুলি মন্তব্য কৰিছে।
ভিডিঅ'টো টুইটাৰ একাউণ্ট 'ভিছিয়াছ ভিডিঅ'ৰ পৰা শ্বেয়াৰ কৰা হৈছে। নেটিজেনসকলে ভিডিঅ'টো ৮৮,০০০ বাৰ চাইছে। ভিডিঅ'টো ভাইৰেল হোৱাৰ লগে লগে যুৱকজনৰ বিৰুদ্ধে আইনী ব্যৱস্থা গ্ৰহণৰ দাবী উঠিছে। ঘটনাটোৰ স্থান নিশ্চিত কৰিব পৰা হোৱা নাই।
Continue Reading
