ডিজিটেল ডেস্কঃ কাশ্মীৰত পুনৰ ভয়ংকৰ পথ দুৰ্ঘটনা। এখন যাত্ৰীবাহী গাড়ী খাৱৈত বাগৰি পৰাৰ ফলত ৫ জন লোকৰ থিতাতে মৃত্যু ঘটিছে। বিল্লাৱাৰ অঞ্চলৰ ধনু পেৰোল গাঁৱৰ ওচৰত দুৰ্ঘটনাটো সংঘটিত হৈছে । ঘটনাটোত পাঁচজন লোক নিহত হোৱা বুলি আৰক্ষীয়ে প্ৰকাশ কৰিছে। আৰক্ষীৰ সূত্ৰই প্ৰকাশ কৰা মতে দুৰ্ঘটনাটোত আন ১৫ জন লোক গুৰুতৰভাৱে আহত হৈছে।
বিল্লাৱাৰ আৰক্ষীয়ে প্ৰকাশ ৰা মতে যাত্ৰীবাহী বাহনখন কাগৰ পৰা গৈ আছিল। বিল্লাৱাৰ এলেকাত উপস্থিত হোৱাৰ পিছতে বাহন খনে নিয়ন্ত্ৰণ হেৰুৱাই এটা খাৱৈত বাগৰি পৰে। মৃতসকলক ক্ৰমে বান্টু, হংসৰাজ, অজিত সিং, আমৰু আৰু কাকু ৰাম বুলি চিনাক্ত কৰা হৈছে।
গুৰুতৰভাৱে আঘাতপ্ৰাপ্ত আন ১৫ জন লোকক ঘটনাস্থলীৰ পৰা উদ্ধাৰ কৰা হৈছে। উদ্ধাৰ কৰাৰ পিছত তেওঁলোকক লগে লগে ওচৰৰ এখন চিকিৎসালয়ত ভৰ্তি কৰোৱা হৈছে। গাড়ীখন কেনেকৈ খাদত পৰিল সেয়া জানিবলৈ আৰক্ষীয়ে তদন্ত আৰম্ভ কৰিছে।
Continue Reading
