চিৰাং : জন্মদিন খাবলৈ গৈ নিৰুদ্দেশ হৈছে এজন যুৱক৷ চিৰাং জিলাৰ আই নদীৰ হাগ্ৰামা ব্ৰীজত জন্মদিনৰ পাৰ্টী খাবলৈ আহি নিৰুদ্দেশ খগেন মজুমদাৰ(২৩) নামৰ যুৱক এজন। জানিব পৰা মতে, ১নং দক্ষিণ মাক্ৰাৰ মতিন মজুমদাৰৰ পুত্ৰ খগেন মজুমদাৰ৷ খগেনৰ নিৰুদ্দেশত চিন্তাত জৰ্জৰিত হৈ পৰিছে পৰিয়ালবৰ্গ।
ঘটনাৰ সবিশেষ অনুসৰি, দলংখনত খগেন ৮গৰাকী বন্ধুৰ সৈতে আহিছিল জন্মদিনৰ পাৰ্টী খাবলৈ। পাৰ্টী খাবলৈ আহি আই নদীৰ হাগ্ৰামা ব্ৰিজত গা ধুবলৈ গৈ পানীৰ দ অংশত পৰে যুৱকজন।
লগৰীয়াসকলে প্ৰতেক্ষ কৰি উদ্বাৰ কৰিবলৈ চেষ্টা কৰে যদিও সক্ষম নহয়। ঘটনাস্থলীত আৰক্ষী আৰু এছডিআৰএফে আই নৈত যুৱকজনক বিচাৰি অভিযান আৰম্ভ কৰিছে। কিন্তু বৰ্তমানলৈ সক্ষম হোৱা নাই যুৱকজনক উদ্ধাৰ কৰিবলৈ৷
