ডিজিটেল ডেস্কঃ ৰাণী মুখাৰ্জী। বলিউডত নাম উজ্বলোৱা এগৰাকী তাৰকা। অভিনয় আৰু ৰূপৰ যাদুৰে এসময়ত দেশবাসীৰ ক্ৰাছ হৈ পৰিছিল ৰাণী। সেইবাবেই তেওঁক কোৱা হয় বলিউডৰ ৰাণী বুলি।
ৰাণীৰ দেউতাকৰ নাম ৰাম মুখোপাধ্যায় আৰু মাতৃৰ নাম কৃষ্ণা মুখোপাধ্যায়। মাক-দেউতাকৰ প্ৰথম সন্তান আছিল ৰাণী। জন্মৰ সময়তে ৰাণীৰ লগত এটা সসৰ ঘটনা ঘটিছিল। হস্পিতালত আন দম্পতিৰ এটি সন্তানৰ সৈতে সলনি হৈ গৈছিল ৰাণী। কিন্তু ৰাণীৰ মাকে শিশুটিৰ চকু দুটা দেখি বুজি পাইছিল যে গোলমাল ঘটিছে, এয়া তেওঁৰ সদ্যজাত সন্তান নহয়।
তাৰপাছতে চিকিৎসালয়ত আৰম্ভ হ’ল অনুসন্ধান। পাঞ্জাবী পৰিয়াল এটাৰ সৈতে তেওঁলোকৰ সন্তানটোৰ সলনা-সলনি হৈছিল। অৱশেষত পাঞ্জাবী দম্পতীহালৰ ঘৰলৈ গৈ ছোৱালীজনীক ঘূৰাই আনিলে মুখাৰ্জী দম্পতীয়ে।
উল্লেখ্য যে ৰাণী পাঞ্জাৱী পৰিয়াললৈ বিয়া হৈছে। ২০১৪ চনত ইটালীত বলিউডৰ প্ৰযোজক আদিত্য চোপ্ৰাৰ সৈতে বিবাহপাশত আবদ্ধ হৈছিল অভিনেত্ৰীগৰাকীয়ে। বঙালী পৰিয়ালৰ কন্যা ৰাণীয়ে পাঞ্জাবী পৰিয়ালত বিবাহপাশত আবদ্ধ হয়।
কিন্তু এই পাঞ্জাবীসকলৰ লগত ৰাণীৰ সংযোগ সেই জন্মৰ পৰাই। সেই প্ৰেক্ষাপটতে কণমানি ৰাণীৰ জন্মৰ সময়ৰ কাহিনীটোৱে আমোদৰ খোৰাক যোগায়।
শেহতীয়াকৈ মুক্তি পোৱা ৰাণীৰ নতুন ছবি ‘মিচেছ চেটাৰ্জী বনাম নৰৱে’ত ৰাণী মুখোপাধ্যায়, অনিৰ্বান ভট্টাচাৰ্যৰ অভিনয়ক সকলোতে প্ৰশংসা কৰা হৈছে। 'মৰ্দানী ২'ৰ পিছত এই ছবিখনেৰে পুনৰ ডাঙৰ পৰ্দাত ৰাণী আবিৰ্ভাৱ হৈছে।
Continue Reading
