ডিজিটেল ডেস্কঃ শিশুটিয়ে পৃথিৱীৰ পোহৰ দেখাৰ পিছতে পিতৃ-মাতৃৰ পৰা বিচেছেদ হৈ পৰিছিল৷ কাৰণ শিশুটিৰ জন্মৰ পিছতে পিতৃ-মাতৃয়ে শিশুটিক ভাৰততে পেলাই থৈ গুচি গৈছিল আফগানিস্তানলৈ৷ তালিবানে আফগানিস্তানত ক্ষমতা দখল কৰাৰ পিছত শিশুটিৰ পিতৃ-মাতৃয়ে তেওঁলোকৰ জীৱন বচাবলৈ ভাৰতলৈ প্ৰব্ৰজন কৰিছিল।
২০২১ চনৰ ছেপ্টেম্বৰত মহাৰাষ্ট্ৰত 'আফগান' কন্যা সন্তানটিৰ জন্ম হৈছিল। কিন্তু দম্পতীহালে জন্মৰ পিছতে শিশুটিক এৰিপুনৰ নিজৰ দেশলৈ গুচি গৈছিল। যোৱাৰ আগতে শিশুটিক পুনেৰ এটা স্বেচ্ছাসেৱী সংগঠনৰ হাতত গতাই দি থৈ গৈছিল৷ শেহতীয়াকৈ বোম্বাই উচ্চ ন্যায়ালয়ে কেন্দ্ৰীয় গৃহ মন্ত্ৰালয়ক আফগান দম্পতীৰ নৱজাতক কন্যাক ভাৰতীয় পাছপোৰ্ট প্ৰদান কৰিবলৈ নিৰ্দেশ দিছে।
ন্যায়াধীশ জি এছ পেটেল আৰু নীলা গোখলেৰ এখন খণ্ড বিচাৰপীঠে কৈছে যে শিশুটো আইনীভাৱে ভাৰতৰ নাগৰিক৷ কিয়নো শিশুটিয়ে ভাৰতত জন্মগ্ৰহণ কৰিছে। উচ্চ ন্যায়ালয়ে আবেদনকাৰীক কৈছে যে নাগৰিকত্বৰ সকলো নথি পত্ৰ নোপোৱালৈকে শিশুটোক আনে গ্ৰহণ কৰিব নোৱাৰিব।ভাৰতীয় সামাজিক কেন্দ্ৰ নামৰ পুনেস্থিত এটা বেচৰকাৰী সংগঠনৰ আবেদনৰ পিছত শুকুৰবাৰে দুই ন্যায়াধীশৰ বিচাৰপীঠে গৃহ মন্ত্ৰালয়ক এহাল "নিৰুদ্দেশ" আফগান দম্পতীৰ ডেৰ বছৰীয়া কন্যাক ভাৰতীয় পাছপোৰ্ট জাৰি কৰাৰ বাবে জাননী প্ৰেৰণ কৰে। আবেদনকাৰীৰ হৈ অধিবক্তা ৰাধিকা সামন্তই কয় যে উচ্চ ন্যায়ালয়ে অতিৰিক্ত ছলিচিটৰ জেনেৰেল অনিল সিং বা গৃহ বিভাগৰ অধীনষ্ঠ যিকোনো অধিবক্তাক আদেশটো পালনৰ তদাৰক কৰিবলৈ কৈছে।
Continue Reading
