ডিজিটেল ডেস্কঃ বিচিচিআইৰ সচিব জয় শ্বাহলৈ বিশেষ উপহাৰ পঠালে লিঅ’নেল মেছিয়ে। কাটাৰ বিশ্বকাপৰ পৰা এই উপহাৰ লৈ আহে টীম ইণ্ডিয়াৰ প্ৰাক্তন তাৰকা প্ৰজ্ঞান ওজাই।
জয় শ্বাহক নিজৰ এটা জাৰ্চি প্ৰেৰণ কৰিছে মেছিয়ে। আৰ্জেণ্টিনাৰ ১০ নম্বৰ জাৰ্চটোত নিজে চহীও কৰিছে বিশ্বকাপজয়ী তাৰকাগৰাকীয়ে। শুভেচ্ছা জনাইছে জয় শ্বাহক।
তাৰপাছতে প্ৰজ্ঞান ওজাই সামাজিক মাধ্যমত এই বিষয়ে ফটো শ্বেয়াৰ কৰিছে। জয় শ্বাহৰ স’তে মেছিয়ে পঠোৱা জাৰ্চিৰ ফটোখনৰ স’তে ওজাই লিখিছে- ''বিশ্বৰ সৰ্বকালৰ শ্ৰেষ্ঠ খেলুৱৈজনে তেওঁৰ শুভেচ্ছা আৰু চহী কৰা জাৰ্চি পঠাইছে জয় ভাইৰ বাবে। কি অসাধাৰণ ব্যক্তিত্ব। আশা কৰো খুব সোনকালেই মোৰ বাবেও এটা পাব।’’
উল্লেখ্য যে কাটাৰ বিশ্বকাপলৈ খেল চাবলৈ গৈছিল প্ৰজ্ঞান। তাতে মেছিৰ স্বাক্ষৰ থকা দুটি জাৰ্চিৰ বাবে অনুৰোধ কৰিছিল তেওঁ।
Continue Reading
