ডিজিটেল ডেস্কঃ নিকোলাছ পুৰাণক ধাৰত দিয়া টকা ঘূৰাই বিচাৰিলে ক্ৰিছ গেইলে। আইপিএলৰ নিলামত পুৰাণে ১৬ কোটি টকা লাভ কৰাৰ পাছতে টকা ঘূৰাই বিচাৰিলে সতীৰ্থ গেইলে।
উল্লেখ্য যে সম্পন্ন হৈ যোৱা নিলামত লক্ষ্নৌ চুপাৰ জায়েণ্টছে পুৰাণক ১৬ কোটি টকা ক্ৰয় কৰে। তাৰপাছতে সতীৰ্থৰ এই ভাল খবৰে চমকৃত হৈ উঠে ইউনিভাৰ্ছেল বছক।
সামাজিক মাধ্যমযোগে এটা ভিডিঅ’ত গেইলে হাঁহিভৰা মুখেৰে কয়- ''পুৰাণ, মই যে তোমাক টকাখিনি ধাৰলৈ দিছিলো, সেয়া কি এইবাৰ ঘূৰাই দিব পাৰিবানে?’’
গেইলৰ এই ভিডিঅ’ৰ পাছতে হাঁহিৰ ৰোল উঠে অনুৰাগীসকল। সকলোৱে ক্ৰিকেটাৰ দুগৰাকীক লৈ অনেক মন্তব্য কৰে।
আনহাতে, ৱেষ্ট ইণ্ডিজৰ কেপ্টেইন তথা উইকেট ৰক্ষক নিকোলাছ পুৰাণক কিয় ইমান দৰত ক্ৰয় কৰা হ’ল সেই লৈও চৰ্চা চলিছে। ইয়াৰ কাৰণ হৈছে যোৱাবাৰ আইপিএলত তেওঁ বিশেষ প্ৰদৰ্শন আগবঢ়োৱা নাছিল।
এই সম্পৰ্কত লক্ষ্নৌ চুপাৰ জায়েণ্টছৰ মেণ্টৰ গৌতম গম্ভীৰে কয়- ''তেওঁৰ দক্ষতাৰ বাবেই এই দামত কিনা হৈছে। তেওঁৰ দৰে কোনো ক্ৰিকেটাৰক লোৱা আমাৰ লক্ষ্যই আছিল। আশা কৰো আমাৰ দলত যোগ দি তেওঁ ভাল খেলিব।’’
Continue Reading
