ডিজিটেল ডেস্ক: ব্ৰিটেইনৰ ৰাণী এলিজাবেথ দ্বিতীয়ৰ বিয়োগৰ পাছতে চৰ্চা চলিছে আন এটি বিষয়ক লৈ৷ কাৰ শিৰত জিলিকিব কোহিনুৰ হীৰাখচিত মুকুট? বাকিংহাম পেলেচে সন্ধিয়া এক বিবৃতিযোগে আনুষ্ঠানিকভাৱে মৃত্যুৰ খবৰ ৰাজহুৱা কৰিছিল। আনহাতে, ব্ৰিটেইনৰ পৰৱৰ্তী ৰজা হ’ব চাৰ্লছ। মাতৃৰ মৃত্যুৰ ২৪ ঘণ্টাৰ ভিতৰত তেওঁক আনুষ্ঠানিকভাৱে ৰজা ঘোষণা কৰা হ'ব।
এইবাৰ প্ৰশ্ন হৈছে, কোহিনুৰৰ অধিকাৰ কোনে পাব?
এই বছৰৰ আৰম্ভণিতে ৰাণী এলিজাবেথে ঘোষণা কৰিছিল যে তেওঁৰ অনুপস্থিতিত ৰাণীৰ সহধৰ্মিনী হ'ব প্ৰিন্স চাৰ্লছৰ পত্নী কেমিলা, ডাচেছ অফ কৰ্ণৱাল। গতিকে স্বাভাৱিকতে, যেতিয়া চাৰ্লছ ৰজা হ'ব, কেমিলাৰ শিৰতে জিলিকিব কোহিনুৰখচিত মুকুট৷
ভাৰত হৈছে ১০৫.৬ কেৰেটৰ কোহিনুৰ হীৰাৰ জন্মস্থান। চতুৰ্দশ শতিকাত ভাৰতত এই হীৰাটো পোৱা গৈছিল। তাৰ পাছত বহুতো হাত ঘূৰিছিল। ১৮৪৯ চনত ব্ৰিটিছসকলে পঞ্জাব দখল কৰিছিল। কোহিনুৰ তেতিয়া ৰাণী ভিক্টোৰিয়াক হস্তান্তৰ কৰা হৈছিল। তেতিয়াৰ পৰাই এই হীৰাটোৱে ব্ৰিটেইনৰ শাসকসকলৰ শিৰত শোভা পাই আহিছে।
এতিয়া এই হীৰাটো প্লেটিনামৰ মুকুটত স্থাপন কৰা হৈছে। ৰাণী দ্বিতীয় এলিজাবেথৰ পিতৃ ষষ্ঠ জৰ্জৰ উদ্বোধনৰ সময়ত ১৯৩৭ চনত এই মুকুটটো সৃষ্টি কৰা হৈছিল। দ্বিতীয় এলিজাবেথৰ মাতৃ এলিজাবেথ প্ৰথম। মুকুটটো টাৱাৰ অব্ লণ্ডনত ৰখা হৈছে। চাৰ্লছৰ আত্মপ্ৰকাশৰ দিনা এইটো এতিয়া কেমিলাৰ শিৰত জিলিকিব। ৰাণী দ্বিতীয় এলিজাবেথৰ বিয়োগৰ লগে লগে প্ৰিন্স চাৰ্লছৰ দ্বিতীয় পত্নী কেমিলা পাৰ্কাৰ বাউলছে ৰাণী মাতৃৰ বিখ্যাত কোহিনুৰ মুকুট পিন্ধিব।
Continue Reading
