ডিজিটেল ডেস্কঃ ডিচেম্বৰ ৩ আৰু ৪ত পাঁচখন ৰাজ্যৰ ৰাজনৈতিক দলবোৰৰ আগন্তুক পাঁচ বছৰৰ বাবে ভাগ্য নিৰ্ণয় হ'ব ৷ পাঁচখন ৰাজ্য - ৰাজস্থান, তেলেংগানা, মিজোৰাম, মধ্য প্ৰদেশ আৰু ছত্তীশগড়ত বিধানসভা নিৰ্বাচন ২০২৩-ৰ ফলাফল ঘোষণা কৰা হ'ব। মিজোৰামৰ ফলাফল ৪ ডিচেম্বৰত ঘোষণা হ’ব৷ আনহাতে আন চাৰিখন ৰাজ্যত ৩ ডিচেম্বৰত ভোটগণনা আৰু ফলাফল ঘোষণা কৰা হ'ব। নিৰ্বাচন আৰু ভোট গণনাৰ দিনটো হৈছে বহুতৰে বাবে চাপসৃষ্টিকাৰী দিন৷
ৰাজস্থানৰ অশোক গেহলট (বৰ্তমানৰ মুখ্যমন্ত্ৰী, কংগ্ৰেছ), শচীন পাইলট (কংগ্ৰেছ),
বসুন্ধৰা ৰাজে (প্ৰাক্তন মুখ্যমন্ত্ৰী, বিজেপি); মধ্য প্ৰদেশৰ শিৱৰাজ সিং চৌহান (বৰ্তমানৰ মুখ্যমন্ত্ৰী, বিজেপি), কমল নাথ (প্ৰবীণ কংগ্ৰেছ নেতা); ছত্তিশগড়ৰ ভূপেশ বাঘেল (বৰ্তমানৰ মুখ্যমন্ত্ৰী, কংগ্ৰেছ), ৰমন সিং (প্ৰাক্তন মুখ্যমন্ত্ৰী, বিজেপি); তেলেংগানাৰ কে চন্দ্ৰশেখৰ ৰাও (বৰ্তমানৰ মুখ্যমন্ত্ৰী, ভাৰত ৰাষ্ট্ৰ সমিতি), ৰেৱন্ত ৰেড্ডী (কংগ্ৰেছ, মুখ্যমন্ত্ৰী আসনৰ দাবীদাৰ ); মিজোৰামৰ জোৰামথাংগা (বৰ্তমানৰ মুখ্যমন্ত্ৰী, মিজো নেচনেল ফ্ৰণ্ট) - এইকেইগৰাকী শীৰ্ষ নেতাই এতিয়া নিৰ্বাচনী ফলাফলকলৈ যথেষ্ট উঞকণ্ঠিত বুলি জানিব পৰা গৈছে৷
নিৰ্বাচনৰ ফলাফলৰ এদিন আগতে ৰাজনীতিকসকলৰ মানসিক অৱস্থা কেনে হৈছে? নতুন দিল্লীৰ তুলাচী হেল্থকেয়াৰৰ জ্যেষ্ঠ পৰামৰ্শদাতা মনোৰোগ বিশেষজ্ঞ ডাঃ গৌৰৱ গুপ্তাই বিধানসভা নিৰ্বাচন ২০২৩-ৰ ফলাফলৰ পূৰ্বে ৰাজনৈতিক নেতাসকলৰ মনোভাৱ বিশ্লেষণ কৰিবলৈ চেষ্টা কৰিছে।
৩ আৰু ৪ ডিচেম্বৰত পাঁচখন ৰাজ্যই জানিব যে পৰৱৰ্তী পাঁচ বছৰৰ বাবে কোনে ৰাজ্যখন শাসন কৰিব। যদিও বৰ্তমানে থকা চৰকাৰবোৰেই ক্ষমতা ধৰি ৰাখিব বিচাৰিব, তেওঁলোকৰ প্ৰতিদ্বন্দীসকলেও শাসনৰবাঘজৰীৰ হাতত লোৱাৰ আশা কৰিছে৷ ৰাজনৈতিক নেতাসকলে চাপপূৰ্ণ পৰিস্থিতিবোৰ কেনেদৰে মোকাবিলা কৰে ? ড০ গুপ্তাই কয় "নিৰ্বাচনৰ ২৪ ঘণ্টা আগতে এজন ৰাজনীতিকে প্ৰায়ে প্ৰত্যাশা আৰু এক উচ্চ আৱেগিক অৱস্থাৰ অনুভৱ কৰে। তেওঁলোকে অক্লান্ত প্ৰচাৰৰ যাত্ৰা সমাপ্ত কৰাৰ পিছত ক্লান্ত হৈ পৰে৷ তেওঁলোকৰ মনত পৰাজয়ৰো ভাবনাই ক্ৰিয়া কৰে৷ " এই সময়ছোৱাত এগৰাকী ৰাজনীতিকৰ ৰক্তচাপ বৃদ্ধি পাব পাৰে৷ সেয়ে প্ৰাৰ্থীৰ ক্ষেত্ৰত সকলোৱে সতৰ্ক হোৱা ভাল বুলি ডাঃ গুপ্তাই কয়৷
Continue Reading
