ডিজিটেল ডেস্ক: কাকো নকৰিবা বঞ্চিত, সকলোকে দিবা কিঞ্চিৎ কিঞ্চিৎ৷ যেন এই নীতিকেই সাৰোগত কৰি বিভিন্ন প্ৰতিস্থানে অনুদান আগবঢ়াইছিল ৰাজনৈতিক দলসমূহক৷ বিভিন্ন কোম্পানীয়ে বণ্ডৰ দ্বাৰা কোটি কোটি টকাৰ চান্দা দিছে ৰাজনৈতিক দলসমূহক৷
মেঘা ইঞ্জিনিয়াৰিং, ফিউচাৰ গেমিং, NKG, বেদান্ত, যশোদা হাস্পতালেও আগবঢ়াইছিল বৃহৎ পৰিমাণৰ চান্দা৷ লোকচানসত্ত্বেও ভাৰতী এয়াৰটেলেও বণ্ডৰ দ্বাৰা চান্দা আগবঢ়াইছিল৷ অৱশ্যে, কোনোটো ৰাজনৈতিক দলকে অসন্তুষ্ট কৰা নাছিল কোম্পানীসমূহে৷
বিশেষকৈ ইলেক্ট’ৰেল বণ্ড লাভৰ শীৰ্ষত আছে বিজেপি, তৃণমূল কংগ্ৰেছ আৰু ভাৰতীয় জাতীয় কংগ্ৰেছ৷ ১০টা কোম্পানীৰ পৰা সৰ্বাধিক বণ্ড লাভ কৰিছে দল তিনিটাই৷
বিজেপিলৈ ৬,০৬০ কোটিৰ ২,২৮৮ কোটিয়েই ১০টা কোম্পানীৰ, তৃণমূল কংগ্ৰেছৰ ১,৬০৬ কোটিৰ বণ্ডৰ ১,১৬০ কোটিয়েই ১০টা কোম্পানীৰ৷ একেদৰে, কংগ্ৰেছৰ ১,৪২১ কোটিৰ বণ্ডৰ ৬,০১৫ কোটিয়েই ১০টা কোম্পানীৰ৷
ইলেক্ট’ৰেল বণ্ডৰ সিংহভাগ গৈছিল শাসকীয় বিজেপিলৈ৷ কংগ্ৰেছ, তৃণমূল কংগ্ৰেছ, বিজু জনতা দল, আৰ জে ডি, জে ডি ইউ, এন চি পি, বি আৰ এছ আৰু আপলৈও কোম্পানীসমূহে আগবঢ়াইছিল চান্দা৷ তথ্য অনুসৰি, বেদাণ্টা, এয়াৰটেল, মুথূট, বাজাজ, পিৰামল–ছান ফাৰ্মা আদিয়ে বণ্ড আগবঢ়াইছিল প্ৰায় প্ৰতিটো দললৈ৷
Continue Reading
