--°C
Loading...
Listen to Article
2 min read
80%
ডিজিটেল ডেস্কঃ অস্কাৰলৈ যাব গুজৰাটী চিনেমা চেল্লু শ্ব’। ২০২৩ বৰ্ষৰ অস্কাৰৰ শ্ৰেষ্ঠ বিদেশী ভাষাৰ চিনেমাৰ শিতানত ভাৰতীয় চিনেমা হিচাপে নিৰ্বাচন কৰা হৈছে চেল্লু শ্ব’ক। পান নালিনে পৰিচালনা কৰা চিনেমাখনত এগৰাকী কিশোৰৰ চিনেমাজগতৰ প্ৰতি থকা আগ্ৰহ আৰু সংগ্ৰামক তুলি ধৰা হৈছে। অভিনয় কৰিছে ভাবিন ৰাবাৰী, ভৱেশ শ্ৰীমালি, ৰিচা মীনা, দীপেন ৰাভাল আৰু পৰেশ মেহতাই।

 ইয়াৰ পূৰ্বে ২০২১ চনৰ অক্টোবৰত চেল্লু শ্ব’ই ৬৬ সংখ্যক ভাল্লাডলিড আন্তঃৰাষ্ট্ৰীয় চিনেমা মহোৎসৱত গ’ল্ডেন স্পাইক সন্মান কৰিবলৈ সক্ষম হৈছিল। ইংৰাজীত চেল্লু শ্ব’ চিনেমাখনৰ নামটো দ্য লাষ্ট শ্ব’ হিচাপে নামকৰণ হৈছে। চলচিত্ৰ মহোৎসৱসমূহত চেল্লু শ্ব’ই এইদৰে ভূয়সী প্ৰশংসা লাভ কৰাৰ মূলতে হৈছে চিনেমাখনৰ নিৰ্মাণশৈলী। এগৰাকী আগশাৰীৰ চলচ্চিত্ৰ সমালোচক ডেভড এহৰলিকে প্ৰকাশ কৰিছে যে চেল্লু শ্ব’ই অভিনৱ আৰু যাদুকৰী চিনেমাশৈলী প্ৰদৰ্শন কৰিবলৈ সক্ষম হৈছে। আনহাতে, চিনেমাখনৰ কাহিনীটো পৰিচালক নালিনৰ নিজৰ কাহিনী বুলি জানিব পৰা গৈছে। গুজৰাটৰ পটভূমিত নিৰ্মিত চেল্লু শ্ব’ই প্ৰখ্যাত ইটালীয়ান চলচিত্ৰ ‘চিনেমা পেৰেডিছ’ৰ স’তে তুলনা কৰা হৈছে। চেল্লু শ্ব’ত দেখুওৱা হৈছে চাহ বিক্ৰী কৰা এগৰাকী চাহ বেপাৰীৰ পুতেকে কিদৰে চিনেমাক লৈ তীব্ৰভাৱে আকৰ্ষিত হৈ পৰিছে। দৰিদ্ৰতা আৰু চিনেমাজগতৰ কোনো প্ৰতক্ষ্য অভিজ্ঞতা নথকাকৈও কিশোৰজনে নিজৰ সাধনাৰ জৰিয়তে এগৰাকী সফল চিনেমা পৰিচালক হৈ পৰে আৰু নিজৰ শৈশৱৰ সপোন পূৰণ কৰে।

উল্লেখযোগ্য যে অস্কাৰৰ দৌৰত চাল্লু শ্ব’ৰ বাহিৰেও বিবেক মালহোট্টাৰ দ্য কাশ্মীৰ ফাইলছ আৰু এছএছ ৰাজামৌলীৰ আৰআৰআৰ-ও আছিল। দ্য কাশ্মীৰ ফাইলছে দেশজুৰি ৰাজনৈতিক ধুমুহাৰ সৃষ্টি কৰিছিল। এটা বিতৰ্কিত বিষয়বস্তুক লৈ নিৰ্মাণ কৰা চিনেমাখনৰ নিৰ্মাণশৈলী আৰু কাহিনীৰ গভীৰতাক সমালোচকসকলে প্ৰশংসা কৰি আহিছে। সেইবাবেই দ্য কাশ্মীৰ ফাইলছে অস্কাৰলৈ নিৰ্বাচিত হ’ব বুলি আশা কৰা হৈছিল। আনহাতে, ৰাজমৌলীৰ মহাকাব্যিক চিনেমা আৰআৰআৰ-এ ভাৰতৰ উপৰি বিদেশতো প্ৰচুৰ খ্যাতিলাভ কৰিছিল। চিনেমাখনত প্ৰদৰ্শন কৰা ইতিহাস, অভিনয় আৰু দক্ষিণ ভাৰতীয় উপাদানে দৰ্শকক আকৃষ্ট কৰিছিল। ব্যৱসায়িকভাৱে চিনেমাখনে আকাশলংঘী জনপ্ৰিয়তা লাভ কৰাৰ লগে লগে সমালোচকসকলৰো প্ৰশংসাৰ পাত্ৰ হৈ পৰিছিল। সেইবাবেই আৰআৰআৰ-কেই অস্কাৰলৈ নিৰ্বাচিত কৰা হ’ব বুলি ভবা হৈছিল। কিন্তু অৱশেষত চাল্লু শ্ব’ৰ সুকীয়া আৱেদনে নিৰ্বাচকসকলক আকৰ্ষিত কৰে।
আনহাতে, বৰ্তমানলৈকে কোনো ভাৰতীয় চিনেমাই অস্কাৰৰ শ্ৰেষ্ঠ বিদেশী ভাষাৰ ছৱি হিচাপে বিজয়ী হোৱা নাই। বিগত বৰ্ষত তামিল চিনেমা ‘কোজাংগল’ নিৰ্বাচিত হৈছিল যদিও শেষত অস্কাৰৰ তালিকাৰ শীৰ্ষ পাঁচখন ছৱিৰ মাজত ই স্থান লাভ নকৰিলে। ২০০১ চনৰ আমিৰ খান অভিনীত তথা আশোতোষ গোৱাৰিকৰৰ জনপ্ৰিয় চিনেমা ‘লগান’ এই শীৰ্ষ পাঁচৰ তালিকাত স্থানলাভ কৰিছিল। তাৰপাছৰে পৰা কোনো ভাৰতীয় চিনেমাই এই শীৰ্ষস্থান দখল কৰিবলৈ সক্ষম হোৱা নাই।

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ