ডিজিটেল ডেস্কঃনিয়মীয়া তহলৰ সময়তে এটা দ’ খাৱৈত বাগৰি পৰিল ভাৰতীয় সেনাৰ এখন বাহন। ফলত তিনিজন সৈনিক নিহত হয়। ঘটনাটো জম্মু আৰু কাশ্মীৰৰ কুপৱাৰা জিলাৰ মাচিল চেক্টৰৰ নিয়ন্ত্ৰণ ৰেখাৰ ওচৰত সংঘটিত হৈছে।
সেনাৰ সূত্ৰই জনোৱা অনুসৰি বুধবাৰে পুৱা চিনাৰ কৰ্পৰ এজন কনিষ্ঠ কমিছনড বিষয়া (জেচিঅ') আৰু আন দুজন জোৱানে মাচিল চেক্টৰৰ ফৰৱাৰ্ড এলেকাত তহল দি আছিল। তেতিয়াই দুৰ্ঘটনাটো ঘটে। জোৱানসকলৰ বাহনখন পিছলি গৈ এটা গভীৰ খাৱৈত পৰে। ঘটনাস্থলীতে তিনিজন সৈনিক নিহত হয়।সেনাৰ সূত্ৰই প্ৰকাশ কৰা অনুসৰি তিনিটা মৃতদেহ উদ্ধাৰ ককৰিব পৰা গৈছে।
দুৰ্ঘটনাটো কেনেকৈ ঘটিল সেই বিষয়ত তদন্ত আৰম্ভ কৰা হৈছে। যোৱা দুমাহৰ ভিতৰত এইটো দ্বিতীয় ঘটনা। কুপৱাৰাত এতিয়া তুষাৰপাত আৰম্ভ হৈছে। গাড়ীখন বৰফত পিছলি গৈছিল নে আন কোনো কাৰণত দুৰ্ঘটনাটো সংঘটিত হৈছিল সেই বিষয়ত অনুসন্ধান কৰা হ'ব।
যোৱা বছৰৰ ডিচেম্বৰত ছিকিমৰ গেংটকত সেনাৰ বাহন এখন গভীৰ খাদত পৰি ১৬ জন সৈনিক নিহত হৈছিল। দুৰ্ঘটনাটো উত্তৰ ছিকিমৰ জেমাৰ ওচৰত সংঘটিত হৈছিল।
Continue Reading
