ডিজিটেল ডেস্কঃ ৰাষ্ট্ৰীয় স্বয়ং সেৱক সংঘৰ মুৰব্বী মোহন ভাগৱতে দেশৰ মুছলমানসকলৰ বিষয়ে ব্যক্ত কৰিছে বহু কথা। মোহন ভাগৱতে কয় যে ভাৰতত ইছলামৰ প্ৰতি কোনো ভাবুকি নাই, কিন্তু তেওঁলোকে ‘আমিয়েই শ্ৰেষ্ঠ’ সেই মনোভাৱ এৰিব লাগিব। ভাগৱতে লগতে কয় যে ইয়াত মুছলমানে ভয় কৰাৰ কোনো প্ৰয়োজন নাই।
মোহন ভাগৱতে কয় যে হিন্দু আমাৰ পৰিচয়, জাতীয়তা আৰু সকলোকে নিজৰ বুলি গণ্য কৰি লগত লৈ যোৱাৰ প্ৰৱণতা আমাৰ মাজত আছে। সেইবাবেই ইয়াত সকলো ধৰ্মই ফুলি উঠিছে। ইয়াৰ বাবেই আজি ভাৰতত থকা মুছলমান সকলৰ কোনো ক্ষতি নহয়।
মোহন ভাগৱতে কয় যে, "মুছলমানে ভাৰতত ভয় কৰিবলগীয়া একো নাই। মাত্ৰ আমি ডাঙৰ, আমি এবাৰ ৰজা আছিলো, আমি আকৌ ৰজা হ'ম...এইটো ভাৱ এৰি দিব লাগিব। এনেকুৱা ভাৱ যদি কোনো হিন্দুৰ আছে তেৱো সেই ভাৱ এৰিব লাগিব। কোনো কমিউনিষ্টেও যদি এনে ভাৱ পুহি ৰাখিছে তেন্তে তেৱো সেই ভাৱ ত্যাগ কৰিব লাগিব।
তেওঁ হিন্দু সমাজক উদ্দ্যেশি কয় যে হিন্দু সমাজেই একমাত্ৰ যি আক্ৰমণাত্মক নহয়, গতিকে অনাআক্ৰমণকাৰীতা, অহিংসা, গণতন্ত্ৰ, ধৰ্মনিৰপেক্ষতা... এই সকলোবোৰ সংৰক্ষণ কৰিব লাগিব।
Continue Reading
