ডিজিটেল ডেস্কঃ জম্মু-কাশ্মীৰৰ পুলৱামা জিলাৰ অৱন্তীপোৰাত উগ্ৰপন্থী আৰু যুটীয়া বাহিনীৰ মাজত তুমুল সংঘৰ্ষ সংঘটিত হৈছে। সেনাৰ সূত্ৰই প্ৰকাশ কৰা অনুসৰি মঙলবাৰে পুৱতি নিশা হোৱা সংঘৰ্ষত এজন সন্ত্ৰাসবাদী নিহত হৈছে। সন্ত্ৰালবাদীয়ে চলোৱা আক্ৰমণত ভাৰতীয় সেনাৰ দুজন জোৱানো আহত হৈছে৷
কাশ্মীৰ আৰক্ষীয়ে প্ৰকাশ কৰা মতে আৰক্ষী আৰু সেনাৰ যুটীয়া বাহিনীৰ সৈতে অৱন্তীপোৰাত সন্ত্ৰাসবাদীৰ মাজত সংঘৰ্ষ লাগে৷ সংঘৰ্ষত এজন সন্ত্ৰাসবাদী নিহত হয়৷ বাতৰি যুগুত কৰা পৰলৈকে অভিযান চলি আছে ৷ এজন সেনা বিষয়াই দাবী কৰিছে যে সন্ত্ৰাসবাদীসকলক প্ৰযুক্তিৰ ব্যৱহাৰ কৰি বিচাৰি উলিওৱা হৈছিল।
২৬ ফেব্ৰুৱাৰীত পুলৱামাত সন্ত্ৰাসবাদীয়ে এজন কাশ্মীৰী পণ্ডিতক গুলীয়াই হত্যা কৰিছিল। সঞ্জয় শৰ্মা নামৰ কাশ্মীৰী পণ্ডিত জনক তেওঁৰ ঘৰৰ পৰা ১০০ মিটাৰ দূৰত সন্ত্ৰাসবাদীয়ে গুলীয়াই হত্যা কৰিছিল। চিকিৎসালয়লৈ নিয়াৰ পথতে তেওঁৰ মৃত্যু হৈছিল।
লেফটেনেণ্ট গভৰ্ণৰ (এলজি) মনোজ সিনহাই এই হত্যাকাণ্ডক গৰিহণা দিছিল আৰু কৈছিল যে সুৰক্ষা বাহিনীয়ে ঘটনাটোৰ আঁৰত থকা সকলক বিচাৰি উলিয়াব আৰু উপযুক্ত ব্যৱস্থা গ্ৰহণ কৰিব।
Continue Reading
