কাশ্মীৰত বৈধ হ’ল সুৰা বিক্ৰীঃ আপত্তি প্ৰদৰ্শন কৰিলে বিজেপিয়ে

ডিজিটেল ডেস্কঃ এতিয়া কাশ্মীৰৰ নৈসৰ্গিক সৌন্দৰ্যৰ মাজত আপুনি বিয়েৰ পান কৰিব পাৰিব। জম্মু আৰু কাশ্মীৰত এতিয়াৰে পৰা বৈধ হ’ব বিয়েৰৰ বিক্ৰী।

কেন্দ্ৰীয় শাসিত ৰাজ্যখনত শেহতীয়াকৈ সুৰা বিক্ৰীৰ অনুজ্ঞাৰ ক্ষেত্ৰত কিছু উদাৰবাদী নীতি গ্ৰহণ কৰা হৈছে। সেই অনুসৰি চৰকাৰী অনুজ্ঞাপ্ৰাপ্ত দোকানসমূহে সুৰা বিক্ৰী কৰিব পাৰিব।

জম্মু আৰু কাশ্মীৰৰ উপৰাজ্যপাল মনোজ সিনহাৰ দ্বাৰা গঠিত দ্যা এডমিনিষ্ট্ৰেটিভ কাউন্সিলে এই প্ৰস্তাৱটোত অনুমোদন জনাইছে। এই অনুসৰি, ৰাজ্যখনৰ নগৰাঞ্চলত বিয়েৰ আৰু অন্যান্য পানীয়সমূহ বিক্ৰী কৰিব পৰা যাব। ইয়াৰ বাবে কাশ্মীৰৰ সুৰা বিক্ৰীৰ নিয়মাৱলীসমূহ সালসলনি কৰা হৈছে।

আনহাতে, উপৰাজ্যপালৰ এই পদক্ষেপৰ বিৰুদ্ধে সৰৱ হৈ উঠিছে বিজেপি। জ্যেষ্ঠ বিজেপি নেতা তথা কাশ্মীৰৰ প্ৰাক্তন উপ মুখ্যমন্ত্ৰী কাভিন্দৰ গুপ্তাই কয় যে কাশ্মীৰৰ হিন্দুসকলৰ ধৰ্মীয় অনুভূতিত ই আঘাট হানিছে।