ডিজিটেল ডেস্কঃ কাশ্মীৰত পুনৰ নিহত হ’ল ভাকৃৰতীয় সেনাৰ জোৱান। উপত্যকাটোত সন্ত্ৰাসবাদীৰ বিৰুদ্ধে অভিযান চলাবলৈ যোৱাৰ সময়তে আজি পাঁচজন সেনা জোৱান শ্বহীদ হয় । উল্লেখ্য ভাৰতীয় সেনাই শুকুৰবাৰে ৰাজৰীত সন্ৰাসবাদ বিৰোধী অভিযান আৰম্ভ কৰে।
সেই সময়তে সন্ত্ৰাসবাদীয়ে বোমা বিস্ফোৰণ ঘটোৱাত ঘটনাস্থলীত পাঁচজন সৈনিকৰ মৃত্যু হয়। এই ঘটনাত এজন বিষয়াসহ চাৰি জোৱান লোক আহত হয়। কেইদিনমান আগতে সন্ত্ৰাসবাদীয়ে সেনাৰ এখন ট্ৰাকত বিস্ফোৰণ ঘটাই পাঁচজন সেনা জোৱানক হত্যা কৰিছিল।
ইয়াৰ পিছতে আজি ভাৰতীয় সেনাই সন্ত্ৰাসবাদীসকলক নিৰ্মূল কৰিবলৈ এটা বিশেষ অভিযান আৰম্ভ কৰে। সেনাই শুকুৰবাৰে ৰাজৰীৰ কেশৰী পাহাৰ অঞ্চলত সন্ত্ৰাসবাদ বিৰোধী অভিযান আৰম্ভ কৰে। সন্ত্ৰাসবাদীয়ে কেশৰী পাহাৰ অঞ্চলৰ এটা গুহাত লুকাই থকাৰ তথ্য লাভ কৰাৰ পিছতে সেনাই আজি অভিযান চলাইছিল।
অভিযানৰ সময়তে সন্ৰাসবাদীয়ে হঠাতে সেনাক লক্ষ্য কৰি আক্ৰমণ কৰিবলৈ আৰম্ভ কৰে। সন্ত্ৰাসবাদীয়ে বোমাৰ বিস্ফোৰণ ঘটোৱাত পাঁচ জন জোৱান শ্বহীদ হয়। এই ঘটনাত আহতসকলক উধামপুৰৰ কমাণ্ড হস্পিটেলত ভৰ্তি কৰোৱা হৈছে ।
Continue Reading
