ডিজিটেল ডেস্কঃ প্ৰেমিকা জৰ্জিনা ৰড্ৰিগেজৰ বাহিৰেও ক্রিষ্টিয়ানো ৰোনাল্ডো আন মহিলাৰ প্ৰতি আসক্ত নেকি? ভেনিজুৱেলাৰ জনপ্ৰিয় ব্লগাৰ জৰ্জিলায়াৰ এই দাবীক কেন্দ্ৰ কৰি এনে প্ৰশ্ন উত্থাপন হৈছে। ছ’চিয়েল মিডিয়াত পৰিচিত আৰু জনপ্ৰিয় জৰ্জিলায়াই দাবী কৰে যে পৰ্তুগালৰ অধিনায়কগৰাকীৰ সৈতে তেওঁৰ শাৰীৰিক সম্পৰ্ক আছিল। জৰ্জিলায়াৰ এই দাবী নাকচ কৰিলে ৰোনাল্ডোৱে।
বহুদিন আগৰ কথা নহয়। জৰ্জিলায়াই দাবী কৰিছিল যে ২০২২ চনৰ ২৫ মাৰ্চত ৰোনাল্ডোৱে তেওঁৰ সৈতে যৌন সম্পৰ্ক স্থাপন কৰিছিল। সেই সময়ত কাটাৰত অনুষ্ঠিত হ’বলগীয়া বিশ্বকাপৰ বাবে পৰ্তুগালৰ প্ৰস্তুতি শিবিৰ চলি আছিল।
জৰ্জিলায়াই কয়, ‘ৰোনাল্ডোৱে মোৰ সৈতে উত্তৰ পৰ্তুগালৰ ছলভাৰ্ডৰ ৩১২ নং হোটেলৰ কোঠাত এৰাতি কটালে। ৰোনাল্ডোৱে এটা মেছেজ দি মোক হোটেললৈ মাতিছিল। আন পৰ্তুগীজ ফুটবলাৰৰ লগত আড্ডা মাৰি থাকোঁতে ৰোনাল্ডোৰ মেছেজটো পাইছিলোঁ। তেওঁৰ মেছেজ পঢ়ি এনে লাগিল যেন তেওঁ কথা পাতিবলৈ ফোন কৰিছে। হয়তো তেওঁ মোক কিবা এটা ক’ব বিচাৰিছে। মই ভাবিছিলো ইজনে সিজনক ভালদৰে চিনি পাম আৰু ৰোনাল্ডোৰ লগত কিছু চেলফি লোৱাৰ সুযোগ পাম। তেনেকুৱা হ’ব পাৰে বুলি মই ভবা নাছিলো। পৰিস্থিতি এনেকুৱা আছিল যে আমি শাৰীৰিক সম্পৰ্কত লিপ্ত হ’লোঁ। সেইটোৱেই সত্য।''
তেওঁ কয়- ''মই নিশ্চয় শাৰীৰিক যৌন সম্পৰ্কত সন্মতি দিছিলো। ৰোনাল্ডোৰ খ্যাতি আৰু শক্তিয়ে মোক আপ্লুত কৰিছিল।''
জৰ্জিলায়াই দাবী কৰে যে তেওঁ টকা বা খ্যাতিৰ বাবে ৰোনাল্ডোৰ বেডমেট হোৱা নাছিল। ৰোনাল্ডোৰ সৈতে সেই নিশা কটোৱাৰ বাবে তেওঁ অনুশোচনা কৰা বুলিও কয়। তেওঁৰ মতে স্বামীক প্ৰতাৰণা কৰি এই সিদ্ধান্ত লোৱাটো বেয়া কথা হৈছিল। সেই নিশাৰ ঘটনাৰ বাবে তেওঁ ৰোণাল্ডোক দোষাৰোপো কৰিব বিচৰা নাই। ৰোনাল্ডোৱে প্ৰেৰণ কৰা কেইবাটাও বাৰ্তা প্ৰকাশ কৰিছে ভেনিজুৱেলাৰ ব্লগাৰগৰাকীয়ে।
পৰ্তুগীজ তাৰকাগৰাকীয়ে অৱশ্যে জৰ্জিলায়াৰ এই দাবী খাৰিজ কৰে। ৰোনাল্ডোৱে ঘনিষ্ঠ মহলত দাবী কৰে যে প্ৰচাৰ লাভ কৰিবলৈ মিছা কথা কৈছে। নিজৰ নাম ব্যৱহাৰ কৰি জনপ্ৰিয়তা বঢ়াবলৈ চেষ্টা কৰিছে ব্লগাৰগৰাকীয়ে।
Continue Reading
