ডিজিটেল ডেস্কঃ ফিফা বিশ্বকাপ আৰু ছাকিৰা৷ যেন দুটা সমাৰ্থক
শব্দ৷ ২০১০ চনৰ দক্ষিণ আফ্ৰিকাত অনুষ্ঠিত হোৱা বিশ্বকাপৰ থিমং ছং ‘ৱাকা ৱাকা’
পৰিৱেশন কৰাৰে পৰা ফুটবলৰ স’তে ছাকিৰা জড়িত হৈ আছে৷
তদুপৰি ২০০৬ চনৰ পৰা ২০১৪ চনলৈকে তিনিখন বিশ্বকাপৰ উদ্বোধনি
অনু্ষ্ঠানত ছাকিৰাই সংগীত পৰিৱেশন কৰিছিল৷ এইবাৰৰ কাটাৰ বিশ্বকাপতো ছাকিৰাক লৈ চৰ্চা
হোৱা দেখিবলৈ পোৱা গৈছে৷
চৰ্চা অনুসৰি, এইবাৰো উদ্বোধনি অনুষ্ঠানত অতিথি শিল্পী
সংগীত পৰিৱেশন কৰাৰ কথা আছিল ছাকিৰাই৷ কিন্তু শেষত সংগীত পৰিৱেশনৰ সিদ্ধান্ত বাতিল
কৰে কলম্বিয়াৰ শিল্পীগৰাকীয়ে৷
জানিব পৰামতে, ব্যক্তিগত কাৰণতে সংগীত পৰিৱেশনৰ সিদ্ধান্ত বাতিল কৰিছে ছাকিৰাই৷ ছাকিৰাৰ এই সিদ্ধান্তত হতভম্ব হৈ পৰিছে তেওঁৰ অনুৰাগীমহল৷
Continue Reading
