পুৱা শুই উঠিয়েই খালে চিংৰা-চাটনি! নিজৰ ফিটনেছক লৈ উদাসীন হৈ পৰিছে নেকি শচীন টেণ্ডুলকাৰ?

ডিজিটেল ডেস্কঃ খেলপথাৰৰ পৰা অৱসৰ লোৱাৰ পাছতে ডায়েটিং এৰি দিলে নেকি শচীন টেণ্ডুলকাৰে? নিজৰ ফিটনেছক লৈ এতিয়া আৰু সচেতন নহয় নেকি ক্ৰিকেটৰ ভগৱান?

বৰ্তমান শচীনে ৰাজস্থানৰ জয়পুৰ ভ্ৰম কৰিছে৷ নিজৰ ইনষ্টাগ্ৰাম পে’জত শচীনে জয়পুৰ ভ্ৰণৰ ভিডিঅ’ও ষ্বেয়াৰ কৰিছে৷ তাৰে েটা ভিডিঅ’ত তেওঁ ব্ৰেকফাষ্ট কৰা দেখা গৈছে৷

ব্ৰেকফাষ্টত আছে চিংৰা, কচুৰি, নানা ধৰণৰ চাটনি আৰু লচ্চি৷ ভিডিঅ’টোত দেখা গৈছে লচ্চি ভৰা মাটিৰ গ্লাচত চুমুক দিছে শচীনে৷ মুখত তৃপ্তিভৰা অভিব্যক্তি৷

তাৰপাছতে অনুৰাগীসকলৰ মনত প্ৰশ্নৰ উদয় হৈছে যে শচীন নিজৰ ফিটনেছক লৈ উদাসীন নেকি? সাধাৰণতে খেলুৱৈসকলক ফিটনেছৰ প্ৰতি সজাগ হিচাপে দেখা যায়৷ পুৱা শুই উঠি তেওঁলোকে চিংৰা-কচুৰিৰ দৰে তেলেতীয়া খাদ্য গ্ৰহণ নকৰে৷ কিন্তু শচীনে এইসমূহ ব্ৰেকফাষ্টত খাইছে৷

উল্লেখ্য যে শচীনে ক্ৰিকেটৰ পৰা অৱসৰ লোৱা প্ৰায় এক দশক হ’ল৷ ২০১৩ চনৰ ১৬ নৱেম্বৰত তেওঁ ক্ৰেকেটক বিদায় জনাইছিল৷ তাৰপাছৰে পৰা তেওঁক ঘৰুৱা ৰূপত দেখা পোৱা গৈছে৷

অৱসৰ লোৱাৰ পাছত তেওঁক কেতিয়াবা ৰান্ধনি অথবা কেতিয়াবা পৰ্যটক হিচাপে দেখা পোৱা গৈছে৷ শচীনে ৰন্ধা দৃশ্যসমূহ ইণ্টাৰনেটত ভাইৰেল হৈ পৰিছে৷ শেহতীয়াকৈ তেওঁক গোৱাৰ সমূদ্ৰপাৰত নৈসৰ্গিক দৃশ্য উপভোগ কৰা দেখা গৈছিল৷