ডিজিটেল ডেস্কঃ ২০২৪ চনৰ অস্কাৰৰ বাবে ভাৰতৰ ‘অফিচিয়েল এণ্ট্ৰি’ চূড়ান্ত হৈছে। এইবাৰ সেই ঠাইখন ল’লে দক্ষিণৰ এখন ছবি। কানাড়া পৰিচালক গিৰীশ কাছাৰৱল্লীৰ ছবি ‘২০১৮: এভৰিওন ইজ এ হিৰো’ অহা বছৰৰ অস্কাৰৰ বাবে ভাৰতে প্ৰেৰণ কৰিছে।
২০১৮ চনত দক্ষিণ ভাৰতৰ ৰাজ্য কেৰালাত ভয়াৱহ বানপানী হৈছিল। আগষ্ট মাহৰ মাজভাগৰ পৰা ৰাজ্যত বানপানী বৃদ্ধি পাবলৈ ধৰিলে। চৰকাৰী পৰিসংখ্যা অনুসৰি কেৰালাৰ ভয়ংকৰ বানত ৪৮৩ জনতকৈ অধিক নাগৰিকৰ মৃত্যু, ১৫ জন লোক নিৰুদ্দেশ। সেই ভয়ংকৰ প্ৰাকৃতিক দুৰ্যোগৰ প্ৰেক্ষাপটত বান্ধ খাই আছে ‘২০১৮’ ছবিখনৰ চিত্ৰনাট্য। সেই ছবিখনৰ জৰিয়তে পৰিচালকে দেখুৱাইছিল যে কেনেকৈ বিপদৰ সময়ত মানুহৰ কাষত থিয় দিছিল।
ছবিখনত মালয়ালম অভিনেতা টবিনো থমাছে মুখ্য চৰিত্ৰত অভিনয় কৰিছিল। বক্স অফিচত সফলতা লাভ কৰাৰ উপৰিও ‘২০১৮’ক দৰ্শক আৰু সমালোচকে প্ৰশংসা কৰে।
Continue Reading
