ডিজিটেল ডেস্কঃ এখন অসাধাৰণ কেফে। কেফেখনৰ প্ৰতিজন কৰ্মচাৰীয়েই এইচ.আই.ভি.পজিটিভ। এই কেফেখন আছে কলিকতাত। এছিয়াৰ ভিতৰত এনেধৰণৰ কেফে এইখনেই প্ৰথম। যোধপুৰ পাৰ্ক এলেকাত মুকলি হোৱা কেফেখনৰ নাম 'কেফে পজিটিভ'। ইয়াৰ উদ্দেশ্য হৈছে এইচআইভি পজিটিভ লোকসকলৰ বিষয়ে সজাগতা বিয়পোৱা আৰু তেওঁলোকৰ বাবে নিযুক্তিৰ সুযোগ সৃষ্টি কৰা।
কেফেত সাতজন কৰ্মচাৰী আছে। কেফেখনৰ গৰাকী কল্লোল ঘোষে কয়, "ই ফ্ৰেংকফুর্টৰ এটা কেফেৰ দ্বাৰা অনুপ্ৰাণিত, যিটো সম্পূৰ্ণৰূপে এইচআইভি পজিটিভ লোকসকলে চলাই আছে।কেফেখন খোলা থকা ঠাইখন ইয়াৰ বিশেষ কফি আৰু চেণ্ডুইচৰ বাবে জনাজাত আৰু সাধাৰণতে পেছাদাৰী, মহাবিদ্যালয়ৰ শিক্ষাৰ্থী আৰু যুৱসকলক গ্ৰাহক হিচাপে পোৱা যায়। ঘোষে আৰু কৈছিল, "মই প্ৰথমবাৰৰ বাবে ২০১৮ চনত কেফেখন খুলিছিলো আৰু এতিয়া মই ব্যৱসায়টো সম্প্ৰসাৰিত কৰি আছো। মোৰ পৰিকল্পনা হৈছে পূৱ ভাৰতত আৰু ৩০খন কেফে খোলা আৰু ইয়াৰ বাবে ৮০০ জন লোকক প্ৰশিক্ষণৰ বাবে তালিকাভুক্ত কৰা হৈছে।
ঘোষে কৈছিল, "আমাৰ কেফেৰ প্ৰতি সকলোৰে প্ৰতিক্ৰিয়া ইতিবাচক নহয়। যেতিয়া কিছুমান গ্ৰাহকে গম পায় যে ইয়াত কাম কৰা লোকসকল এইচ.আই.ভি. পজিটিভ, তেওঁলোকে উঠি গুচি যায়। আমি তেওঁলোকক বুজাই দিওঁ। তাৰপিছত কিছুমান লোক ৰৈ যায় আৰু কিছুমান গুচি যায়।
কেফে আৰম্ভ কৰাৰ সময়ত চাৰিওফালে বাস কৰা লোকসকলেও ইয়াক লৈ যথেষ্ট শংকিত আছিল, কিন্তু পিছত তেওঁলোকে উপলব্ধি কৰিছিল যে এইচআইভি পজিটিভবোৰো আন লোকৰ দৰে একেই। উল্লেখ্য যে কল্লোল ঘোষে 'আনন্দঘৰ' নামৰ এটা বেচৰকাৰী সংগঠন চলায়, যি মানসিকভাৱে বিকলাঙ্গ শিশু আৰু এইচ.আই.ভি. পজিটিভ লোকসকলৰ উন্নতিৰ বাবে কাম কৰে।
Continue Reading
