ডিজিটেল ডেস্কঃ মুখ্যমন্ত্ৰী অৰবিন্দ কেজৰিৱালৰ চৰকাৰী বাসগৃহ মেৰামতিৰ বাবে হোৱা ব্যয়ৰ বিশেষ অডিট কৰিব কেগে। উপ-ৰাজ্যপাল ভি কে ছাক্সেনাৰ পৰামৰ্শ অনুসৰি গৃহ পৰিক্ৰমা মন্ত্ৰালয়ে কেগৰ অডিটত অনুমোদন জনাইছে।
চিভিল লাইনত থকা আপৰ মুৰব্বী কেজৰিৱালৰ ঘৰটো প্ৰশাসনিক আৰু বিত্তীয় অনিয়মৰ অভিযোগত ক্ৰমাৎ বিতৰ্কৰ কেন্দ্ৰবিন্দু হৈ পৰিছে।ভাৰতৰ আগশাৰীৰ বাতৰি কাকতৰ এক প্ৰতিবেদন অনুসৰি ২০২০ চনৰ পৰা ২০২২ চনৰ ভিতৰত মুখ্যমন্ত্ৰীৰ চৰকাৰী বাসগৃহৰ সংস্কাৰৰ কামত দিল্লী চৰকাৰে প্ৰায় ৪৫ কোটি টকা ব্যয় কৰিছিল। এই ধন আমদানিকৃত মাৰ্বল, ইণ্টেৰিয়ৰ আদি কামত ব্যয় কৰা হৈছিল।
এই সমগ্ৰ বিষয়ত আম আদমী পাৰ্টিয়েও স্পষ্টীকৰণ দিছে। আপৰ সাংসদ তথা দলৰ মুখপাত্ৰ ৰাঘৱ চাদ্ধাই কয় যে কেজৰিৱাল থকা ঘৰটো ১৯৪২ চনত নিৰ্মাণ কৰা হৈছিল। তেওঁ কয় যে আগতে ঘৰৰ ভিতৰৰ পৰা শোৱা কোঠালৈ চিলিঙৰ পৰা পানী টোপাল টোপালকৈ বৈ আহিছিল।সেইবাবেই মেৰামতি কৰা হৈছে বুলি উল্লেখ কৰিছিল৷
এই গোটেই বিষয়টোক লৈ যথেষ্ট ৰাজনীতি হৈছিল। বিজেপি আৰু আপৰ মাজত তীব্ৰ মৌখিক যুদ্ধৰ সৃষ্টি হয় আৰু বিজেপিয়ে মুখ্যমন্ত্ৰীক লক্ষ্য কৰি সংস্কাৰ সন্দৰ্ভত কেইবাটাও অভিযোগ উত্থাপন কৰে। কোভিড সংক্ৰমণৰ সময়ত কেজৰিৱালৰ বাসগৃহৰ সলনিৰ বাবে দিল্লী চৰকাৰে ৪৫ কোটি টকা ব্যয় কৰা বুলি অভিযোগ কৰিছিল বিজেপিয়ে।"
Continue Reading
