কেকোৰা চুলি আৰু শ্যাম বৰণীয়া এগৰাকী যুৱতী: এখন ধাৰাবাহিকে কন্দুৱাইছে সহস্ৰজনক

ডিজিটেল ডেস্ক: এগৰাকী নাৰীৰ সৌন্দৰ্য কিমান অতুলনীয়৷ এগৰাকী নাৰীৰ সৌন্দৰ্যৰ বিশ্লেষণ কেনেদৰে কৰা হয়? কেকোৰা চুলি, শ্যামবৰণীয়া ৰং আৰু সাধাৰণ পোছাকে নাৰী এগৰাকীক কৰি তোলে নেকি কুৎচিত? প্ৰাকৃতিক সৌন্দৰ্যই সঁচাই মুহিত কৰিব নোৱাৰে নেকি? এনে এক কাহিনী টেলিভিছনৰ পৰ্দাত সম্পচাৰ হোৱাৰ পাছত চকুৰ পানী নিগৰি আহিল দেশবাসীৰ৷ পাকিস্তানৰ এটা ব্যক্তিগত টেলিভিছনত সম্প্ৰসাৰিত হোৱা ‘ম্যেই আইচি কিউন হুন’ নামৰ অনুষ্ঠানটোৰ এটা ভাইৰেল ক্লিপে কন্দুৱাইছে দেশখনত৷ অভিনেতা চৈয়দ জিব্ৰানে অভিনয় কৰা এটা চৰিত্ৰই মুখ্য অভিনেতা নুৰ জাফৰ খানক তেওঁৰ কেকোৰা চুলিৰ বাবে কুৎসিত বুলি অভিহিত কৰিছে। ‘প্ৰাকৃতিক ৰূপত এই চুলিবোৰে আপোনাক কুৎসিত কৰি তোলে। আৰু দুৰ্ভাগ্যৱশতঃ এতিয়া মোৰ ছোৱালীৰো আছে আপোনাৰ দৰে চুলি। মই কুৎসিত চুলি থকা এজনী কন্যা সন্তানৰ পিতৃ। এইটোৱে মোক কষ্ট দিয়ে,’ তেওঁ ভিডিঅ’টোত কয়। এই ভিডিঅ’টো শ্বেয়াৰ হোৱাৰ পাছত অশ্ৰুৰ বন্যা বয় সমগ্ৰ দেশখনত৷ অনুষ্ঠানটোৰ বৰ্ণনাত এইদৰে কোৱা হৈছে: ‘এগৰাকী মহিলাৰ মূৰৰ প্ৰাকৃতিক চুলিৰ ফলত কিয় ইমান নেতিবাচক আৱেগ সৃষ্টি হয়? মহিলাসকলক তেওঁলোকৰ সকলো প্ৰাকৃতিক সৌন্দৰ্যত কিয় গ্ৰহণ কৰিব নোৱাৰি?’ ‘ম্যে আইচি কিউন হুন’ কেৱল এই বিষয়টোক লক্ষ্য কৰি লৈছে। অনুষ্ঠানটো ৭ ফেব্ৰুৱাৰীৰ পৰা সম্প্ৰচাৰ আৰম্ভ হৈছিল। পাকিস্তানী সাংবাদিক আবছা কোমলে টুইটাৰত অনুষ্ঠানটোৰ এটা ভাইৰেল ক্লিপ পোষ্ট কৰি লিখিছে, ‘যেন ফৰ্সা ৰঙৰ প্ৰতি আমাৰ প্ৰাকৃতিক আসক্তি যথেষ্ট নহয়, আমি এতিয়া কেকোৰা চুলি থকা মহিলাসকলক বহুকষ্ট দিছো। এয়া লজ্জাজনক৷’ এই ধাৰাবাহিকখনৰ ওপৰত টুইটাৰত ভিন্নজনে মতপোষণ কৰিছিল৷ ইনষ্টাগ্ৰামত এজন ব্যৱহাৰকাৰীয়ে লিখিছিল, ‘এই ধাৰাবাহিকখনৰ মাজেৰে মই নিজক বিচাৰি পাইছো। আপোনাক ধন্যবাদ৷’ আন এজনে এইদৰে লিখিছিল: "কেকোৰা চুলিৰ নাৰীৰ ওপৰত কাৰোৰে সমস্যা নাই। পাকিস্তানক নেতিবাচক দৃষ্টিৰে প্ৰদৰ্শন কৰা বন্ধ কৰক।”