ডিজিটেল ডেস্কঃ মুম্বাই আৰক্ষীয়ে এজন লোকক গ্ৰেপ্তাৰ কৰিছে যিয়ে প্ৰতিদিনে ৫-১০ কোটি টকা উপাৰ্জন কৰে! লক্ষ্যণীয় কথাটো হ’ল গ্ৰেপ্তাৰ হোৱা লোকজনে কেৱল দ্বাদশ শ্ৰেণীলৈকে অধ্যয়ন কৰিছিল। তেওঁ এটা দলক নেতৃত্ব দি আহিছিল। এই দলটোৰ সদস্যসকল দেশৰ বহু চহৰত বিয়পি আছে। দলটোৱে পুৰুষতকৈ মহিলাসকলক বেছিকৈ লুটপাতৰ লক্ষ্য কৰি লৈছিল। বহু মহিলা-যুৱতীক দলটোৱে মিছা গোচৰত জড়িত কৰাৰ ভাবুকি দি প্ৰতাৰণা কৰিছিল।
এনেদৰে এই দলটোৱে প্ৰতিদিনে কোটি কোটি টকা উপাৰ্জন কৰি আহিছিল বুলি আৰক্ষীয়ে প্ৰাশ কৰিছে। মুম্বাইৰ শীৰ্ষ আৰক্ষী বিষয়া অজয় কুমাৰ বানচালে কয় যে শ্ৰীনিবাস ৰাও দাদী (৪৯) নামৰ লোক জনক হায়দৰাবাদৰ এখন বিলাসী হোটেলৰ পৰা বাংগুৰ নগৰ আৰক্ষী থানাৰ এটা দলে আটক কৰবলৈ সক্ষম হৈছে। তেওঁ কেৱল দ্বাদশ শ্ৰেণীলৈকেহে অধ্যয়ন কৰিছিল, কিন্তু প্ৰযুক্তিবিদ্যাত তেওঁ যেন বিশেষজ্ঞ। আৰক্ষী বিষয়াগৰাকীয়ে লগতে কয় যে শ্ৰীনিবাসৰ লগতে তেওঁৰ দলটোৰ আৰু চাৰিজন সদস্যকো গ্ৰেপ্তাৰ কৰা হৈছে।
তেওঁলোকৰ দুজনক থানেৰ পৰা আৰু দুজনক কলকাতাৰ পৰা গ্ৰেপ্তাৰ কৰা হৈছে।অজয় কুমাৰ বানচালে কয় যে দলটোৱে মহিলা-যুৱতীক প্ৰৱঞ্চনাৰ কৰিবলৈ আৰক্ষীৰ ছদ্মবেশ গ্ৰহণ কৰিছিল। দলটোৱে যিসকলক বিভিন্ন অভিযোগৰ বাবে মাতিছিল তেওঁলোকৰ বেছিভাগেই মহিলা। যিসকলক মাতি অনা হৈছিল তেওঁলোকক কোৱা হৈছিল যে তেওঁলোকলৈ অনলাইন যোগে অহা পাৰ্চেলত ড্ৰাগছ বা অস্ত্ৰ আছে।
দলটোৱে এনে অভিযোগ অনাৰ পিছতে তেনে মহিলা বা পুৰুষৰ বেংক একাউণ্টৰ বিৱৰণ বিচাৰিছিল । বেংকৰ বিৱৰণ পোৱাৰ পিছত তেওঁলোকে কুৰিয়াৰটো কোনে প্ৰেৰণ কৰিছে সেয়া বিচাৰি উলিয়াব বুলি কথা দিছিল।
আৰক্ষী বিষয়াগৰাকীয়ে লগতে কয় যে বেছিভাগ মানুহে তেওঁলোকৰ পৰা ফোন কল পাই ভয় খাইছিল আৰু তেওঁলোকৰ বেংকৰ তথ্য দলটোক দিছিল। ইয়াৰ পিছত দলটোৱে প্ৰতিদিনে বহু লোকৰ বেংক একাউণ্টৰ পৰা ধন উলিয়াই নিছিল।
Continue Reading
