ডিজিটেল ডেস্কঃ আজি ৰোহিত শৰ্মাৰ অধিনায়কত্বত ভাৰতীয় দলটোৱে এছিয়া কাপ ২০২৩ খিতাপ দখল কৰে। ফাইনেলত ভাৰতে শ্ৰীলংকাক ১০ উইকেটত পৰাস্ত কৰে। ৰোহিত শৰ্মাৰ অধিনায়কত্বত ভাৰতীয় দলটোৱে ট্ৰফী দখল কৰা পৰিঘটনা এইটোৱেই প্ৰথম নহয়। ইয়াৰ পূৰ্বে ২০১৮ চনত খেলা এছিয়া কাপত ৰোহিত শৰ্মাৰ অধিনায়কত্বতে টিম ইণ্ডিয়াই খিতাপ দখল কৰিছিল।
অধিনায়ক ৰোহিত শৰ্মা কিমান মহান সেইটো আই পি এলৰ পৰাও অনুমান কৰিব পাৰি। আই পি এলত ৫টা ট্ৰফী লাভ কৰা প্ৰথমজন অধিনায়ক হিচাপে পৰিগণিত হয় ৰোহিত। ভাৰতীয় অধিনায়ক হোৱাৰ কথা উল্লেখ কৰিবলৈ গ’লে ২০১৮ চনত এছিয়া কাপৰ বাহিৰেও ৰোহিত শৰ্মাৰ অধিনায়কত্বত একে বছৰতে নিদাহাছ ট্ৰফীত ভাৰতক বিজয়ী কৰি তুলিছিল। এতিয়ালৈকে অধিনায়ক হিচাপে ৰোহিত শৰ্মাই বহু ট্ৰফী লাভ কৰিছে।
আই পি এলত মুম্বাই ইণ্ডিয়ানছৰ অধিনায়কত্ব কৰা ৰোহিত শৰ্মাই নিজৰ দলৰ হৈ চেম্পিয়নছ লীগৰ খিতাপ দখল কৰে। ২০১৩ চনত ৰোহিত শৰ্মাৰ অধিনায়কত্বত খেলি মুম্বাই ইণ্ডিয়ানছে চেম্পিয়নছ লীগৰ ট্ৰফী লাভ কৰিছিল। আই পি এল আৰু ভাৰতৰ হৈ অধিনায়ক হিচাপে এতিয়ালৈকে মুঠ ৯টা ট্ৰফী লাভ কৰিবলৈ সক্ষম হৈছে ৰোহিত শৰ্মাই।
অধিনায়ক হিচাপে ৰোহিত শৰ্মাৰ ট্ৰফীৰ তালিকা-
আইপিএলত ২০১৩ চনত জয়ী হৈছিল
২০১৩ চনত চেম্পিয়নছ লীগ ২০ চনত জয়ী হয়
আইপিএলত ২০১৫ চনত জয়ী হৈছিল
আইপিএলৰ ২০১৭ চনৰ সংস্কৰণত জয়ী হয়
এছিয়া কাপ ২০১৮ চনত জয়ী হয়
২০১৮ চনত নিদাহাছ ট্ৰফী লাভ কৰে
আইপিএলৰ ২০১৯ চনৰ সংস্কৰণত জয়ী হয়
আইপিএল ২০২০ চনত জয়ী হয়
এছিয়া কাপ ২০২৩ চনত জয়ী হয়
উল্লেখযোগ্য যে এইবাৰ টিম ইণ্ডিয়াই এছিয়া কাপৰ অষ্টম খিতাপ দখল কৰে। এছিয়া কাপত সৰ্বাধিক খিতাপ দখল কৰা দলটোৱেই হৈছে ভাৰত। ইয়াৰ পূৰ্বেও ৰোহিত শৰ্মাৰ অধিনায়কত্বত ভাৰতে এছিয়া কাপ জয় কৰিছিল। ভাৰতক দুবাৰকৈ এছিয়া কাপৰ খিতাপ দখল কৰা অধিনায়ক হিচাপে পৰিগণিত হৈছে ৰোহিত শৰ্মা। উল্লেখযোগ্য যে বৰ্তমান ৰোহিত শৰ্মা ভাৰতীয় দলৰ মূল অধিনায়ক।
Continue Reading
