ডিজিটেল ডেস্কঃ বজাৰৰ পাচলিসমূহৰ ভিতৰত কেপছিকামো অন্যতম। কেপছিকামত প্ৰচুৰ পৰিমাণে ভিটামিন আৰু খনিজ পদাৰ্থ থাকে। কেপছিকামৰ বৰণ সেউজীয়া হয় যদিও আজিকালি বজাৰত বিভিন্ন ৰঙৰ কেপছিকামো পোৱা যায়। অতি পুষ্টিদায়ক এই পাচলিবিধ খাবলৈও ভাল তথা পাচলি বিধে দেহৰ কোনো ক্ষতি সাধনো নকৰে। অতি সহজতে আমি কেপছিকামৰ খেতিও কৰিব পাৰো। ফুসৰ টাবতো ইয়াৰ খেতি কৰিব পাৰি।
কেপছিকামত প্ৰচুৰ পৰিমানে ভিটামিন ’চি’ থাকে।কেপছিকামৰ বহু কেইটা গুণ আছে। ছালৰ উজ্জলতা বৃদ্ধি কৰাৰ ক্ষেত্ৰত কেপছিকামে যাদুকৰী ভাবে কাম কৰে। তদুপৰি, ছালত শোঁতৰা পৰা বা শালমইনা প্ৰতিৰোধতো ই বেছ ভাল কাম কৰে।
কেপছিকামত কেপছাইছিনছ নামৰ এবিধ বিশেষ উপাদান থাকে। এই উপাদানে মানৱ দেহৰ ডিএনএ’ৰ সৈতে লগ লাগি কেন্সাৰ সৃষ্টিকাৰী উপাদানৰ গঠনত বাধা দিয়ে আৰু কেন্সাৰ প্ৰতিৰোধত সহায় কৰে।বিষ প্ৰতিৰোধৰ ক্ষেত্ৰতো কেপছিকাম অতি উপকাৰী। মাইগ্ৰেন, ছাইনাছ, সংক্ৰমণ, দাঁতৰ বিষ, অষ্টিঅ’আৰ্থাৰাইটিছ ইত্যাদিৰ বিষৰ উপশমতো কেপছিকামে সহায় কৰে।
কেপছিকামে দেহত জমা হোৱা অতিমাত্ৰা চৰ্বিৰ দূৰ কৰি ওজন হ্ৰাস কৰাতো সহায় কৰে।মেলেৰিয়া, সাধাৰণ জ্বৰ আদিতো কেপছিকামে বেছ ভাল কাম দিয়ে। ই মুখৰ ৰুচি বঢ়ায়।কেপছিকামত এলকাল’য়েড, ফ্লেব’নয়ড, কানিন ইত্যাদি পোৱা যায়। এলকাল’য়েডে জ্বলন নাশক তথা এন্টি অক্সিডেন্ট ৰূপে কাম কৰে।কেপছিকামত থকা ভিটামিন ‘চি’য়ে মস্তিষ্কৰ পেশী পুনৰুজ্জীৱিত কৰাৰ লগতে দেহৰ হাড়ৰ বিকাশৰ ক্ষেত্ৰতো সহায় কৰে।সেয়ে খাদ্য তালিকাত কেপছিকাম ৰাখিলে সুফল পোৱা যায়।
Continue Reading
