ডিজিটেল ডেস্কঃ অমিতাভ বচ্ছন আৰু হেমা মালিনীৰ স’তে কেটৰিনা কাঈফক তুলনা কৰিলে অভিনেত্ৰীগৰাকীৰ স্বামী তথা অভিনেতা বিকী কৌশলে। বিকীৰ মতে, আন্তৰ্জাতিক মঞ্চত যিকেইজন তাৰকাই ভাৰতক প্ৰতিনিধিত্ব কৰি আহিছে, তেওঁলোকৰ মাজত কেটৰিনা কাঈফ অন্যতম। এসময়ত হেমা মালিনীয়ে এই পৰ্যায়ত উপনীত হৈছিল বুলি তেওঁ কয়।
কেটৰিনা কাঈফক 'ভাৰতৰ আইকন’ হিচাপেও অভিহিত কৰে বিকীয়ে। কয় যে অমিতাভ বচ্ছনক সমগ্ৰ বিশ্বই 'ভাৰতৰ আইকন’ হিচাপে চিনি পায়, ঠিক সেইদৰে নিজৰ সফলতাৰ বাবে কেটৰিণা কাঈফো 'ভাৰতৰ আইকন’ হৈ পৰিছে।
''তেওঁ এতিয়া নিজৰ কেৰিয়াৰৰ যি উচ্চতাত আছে, তাত উপনীত হোৱাটো অতি সহজ কাম নহয়। এই স্থআন লাভ কৰা অত্যন্ত কঠিন। তেওঁৰ অক্লান্ত পৰিশ্ৰমৰ বাবেই সেই স্থআন লাভ কৰিছে। তেওঁৰ পৰ্যায় পাবলৈ মোৰ বহুখিনি বাকী।’’- বিকীয়ে এটা সাক্ষাৎকাৰত এইদৰে কয়।
উল্লেখ্য যে শেহতীয়াকৈ বিবাহৰ এবছৰ পূৰ্তি হৈছে বিকী-কেটৰিনাৰ। বলিউডৰ অন্যতম সফল দম্পত্তি হিচাপে তেওঁলোকে ইতিমধ্যে চৰ্চিত হৈ আছে।
Continue Reading
