ডিজিটেল ডেস্ক: ‘আপুনি কেতিয়া বিয়া পাতিব?’ ৰাহুল গান্ধীক উদ্দেশ্যি এই প্ৰশ্ন এটি ছবছৰীয়া শিশুৰ৷ ভাৰত জোড়ো ন্যায় যাত্ৰাৰ কাৰ্যসূচী হাতত লৈ সম্প্ৰতি বিহাৰৰ কিষাণগঞ্জত আছে ৰাহুল গান্ধী৷ অবিবাহিত ৰাহুল গান্ধীৰ বিবাহক লৈ উৎসুকতা প্ৰায় সকলোৰে মাজত দেখা যায়৷ অৱশ্যে, এইবাৰ এই উৎসুকতা দেখা গ’ল এটি শিশুৰ মাজত৷
এই সময়ছোৱাতে এটি ৬বছৰীয়া শিশুৱে ৰাহুলক সুধিছিল যে তেওঁ কেতিয়া বিয়া কৰাব। উত্তৰত ৰাহুলে শিশুটোক কৈছিল যে মই এতিয়া কাম কৰি আছোঁ, যেতিয়া কামটো শেষ হ’ব তেতিয়া। শিশুটোৰ প্ৰশ্ন শুনি ৰাহুল গান্ধী স্বাভাৱিকতে আচৰিত হৈছিল।
উল্লেখ্য যে শিশুটোৰ নাম আৰ্শ নাৱাজ আৰু তেওঁ ইউটিউব ভ্লগৰ বাবে ৰাহুল গান্ধীক সাক্ষাৎ কৰিছিল। আৰ্শে ৰাহুল গান্ধীক লৈও এটা ভ্লগ প্ৰস্তুত কৰিছে আৰু তেওঁক ভৱিষ্যতৰ প্ৰধানমন্ত্ৰী বুলি অভিহিত কৰিছে।
ইয়াৰ পাছত ৰাহুল গান্ধীয়ে সেই শিশুটোৰ ভিডিঅ’টো ছ’চিয়েল মিডিয়াত শ্বেয়াৰ কৰিছে। এই সময়ছোৱাত আৰ্শ ৰাহুল গান্ধীৰ বাছৰ সন্মুখত থিয় হৈছিল আৰু ৰাহুলে শিশুটোক তেওঁৰ কোলাত বহুৱাই লৈছিল। উল্লেখ্য যে যোৱা তিনিদিন ধৰি ৰাহুল গান্ধী বিহাৰত আছে আৰু তেওঁৰ যাত্ৰা কাটিহাৰ, পূৰ্ণিয়া আৰু কিষাণগঞ্জ জিলাৰ মাজেৰে পাৰ হৈ গৈছে।
Continue Reading
