কেতিয়া দাড়ি কাটিব ৰাহুল গান্ধীয়ে ? কি ক’লে কংগ্ৰেছ নেতা পৱন খেৰাই ?

শেহতীয়াকৈ সাংবাদিকৰ প্ৰশ্নৰ উত্তৰত কংগ্ৰেছ নেতা পৱন খেৰাই কৈছে  যে তেওঁক সাংবাদিকে প্ৰায়ে সুধি আছে ৰাবুল গান্ধীয়ে দাড়ি কেতিয়া কাটিব৷  খেৰাই কয়  "ৰাহুল গান্ধী , আপোনাৰ ওচৰত মহাত্মা গান্ধীৰ সৰলতা আৰু নেহৰুৰ গভীৰতা আছে," ।  খেৰাই  ৰাহুল গান্ধীৰ দাড়িৰ বিষয়ত মন্তব্য কৰি কয় যে "ৰাহুল গান্ধীয়ে কেতিয়া দাড়ি কাটিব বুলি সাংবাদিকে মোক  সুধিছে । ৰাহুল গান্ধী , আপোনাৰ দাড়িত ভাৰত জোড়ো যাত্ৰাৰ সময়ত আপোনাক লগ পোৱা হাজাৰ হাজাৰ লোকৰ কাহিনী জড়িত হৈ  আছে। আপোনাৰ দাড়িৰ অৰ্থ হৈছে আমি প্ৰত্যক্ষ কৰা যাত্ৰাৰ চিন । ৰাহুল গান্ধীয়ে  কৈছিল যে তেওঁ ভাৰত জোডো যাত্ৰাৰ সময়ত দাড়ি নকটাৰ সিদ্ধান্ত লৈছিল। এতিয়া যাত্ৰা সমাপ্ত হোৱাৰ পিছতো  তেওঁ এতিয়াও সিদ্ধান্ত লোৱা নাই যে তেওঁ তেওঁৰ বৰ্তমানৰ চেহেৰাটো সলনি কৰিব  নে নাই।" 

উল্লেখ্য  দিল্লীৰ বিমানবন্দৰত মোদীক 'গৌতমদাস' বুলি কৈ  গ্ৰেপ্তাৰ হোৱাৰ পিছত পূৰ্ণাংগ অধিৱেশনত বক্তব্য ৰাখি পৱন খেৰাই কয় যে তেওঁ এনেবোৰ কথাত গুৰুত্ব নিদিয়ে।খেৰাই কয়  "মই ভয় নকৰোঁ, কাৰণ মই কেতিয়াও মোৰ নেতা ৰাহুল গান্ধী, প্ৰিয়ংকা গান্ধীকো ভয় খোৱা দেখা নাই" ৷ খেৰাই লগতে কয় যে ছোনিয়া গান্ধীয়ে কংগ্ৰেছৰ নেতা-কৰ্মীসকলক শিকাইছে যে পৰিস্থিতি যিমানেই কঠিন নহওঁক কিয় মূল্যবোধৰ ক্ষেত্ৰত কোনো আপোচ কৰিব নালাগে৷ ৰাহুল গান্ধীয়ে  বিভাজনৰ ৰাজনীতি বন্ধ কৰিবলৈ ভাৰত জোড়ো  যাত্ৰা আৰম্ভ কৰিছিল বুলিও  পৱন খেৰাই কয়। উল্লেখ্য ভাৰত জোড়ো যাত্ৰাৰ সময়ত ৰাহুল গান্ধীৰ দাড়িৰ উপৰি তেওঁৰ টি-চাৰ্টৰ প্ৰসংগও  চৰ্চিত বিষয় হৈ আছিল৷ কিয়নো তেওঁ উত্তৰ ভাৰতৰ প্ৰচণ্ড  ঠাণ্ডাৰ মাজতো খোজকাঢ়ি গৈ  কাশ্মীৰ পাইছিল৷