ডিজিটেল ডেস্কঃ চিকিৎসকে এগৰাকী মহিলাৰ চকুত দুবছৰ ধৰি বাস কৰি থকা এক বিৰল পৰজীৱী আৱিষ্কাৰ কৰিবলৈ সক্ষম হৈছে। ধাৰণা কৰা অনুসৰি মহিলাগৰাকীয়ে ঘঁৰিয়ালৰ মাংস খোৱাৰ বাবেই তেওঁৰ চকুত সেই পৰজীৱীয়ে বাহ বান্ধে।
কঙ্গোৰ বাচানকুচুৰ ২৮ বছৰীয়া মহিলাগৰাকীয়ে তেওঁৰ বাওঁ চকুত অসুবিধা পাবলৈ আৰম্ভ কৰিছিল। পৰীক্ষা কৰাৰ পিছত চিকিৎসকে মহিলাগৰাকীৰ চকুৰ ভিতৰৰ স্তৰ কঞ্জাক্টিভাৰ তলত এটা সৰচৰ কৰি থকা বস্তু পাইছিল। অস্ত্ৰোপচাৰ কৰি আঁতৰোৱাৰ পিছত প্ৰায় ০.৪ ইঞ্চি (১০ মিলিমিটাৰ) জোখৰ এক শেঁতা, চি- আকৃতিৰ পৰজীৱী ওলাই পৰে।
সেই পৰজীৱিৰ নাম আৰ্মিলিফাৰ গ্ৰেণ্ডিছ । ই হৈছে সাধাৰণতে আফ্ৰিকাত মানুহক সংক্ৰমিত কৰা এক পৰজীৱী। এই পৰজীৱীবোৰে সাধাৰণতে সাপ, ঘঁৰিয়াল আদিৰ জৰিয়তে মানুহৰ দেহলৈ বিয়পিব পাৰে। কম ৰন্ধা সাপ বা ভঁৰিয়ালৰ ৰ মাংস খালেও ই বিয়পিব পাৰে।
মহিলাগৰাকীৰ ক্ষেত্ৰত চিকিৎসকসকলে ঘঁৰিয়ালৰ মাংসকেই উৎস হিচাপে সন্দেহ কৰিছে। চিকিৎসকসকলে লক্ষ্য কৰিছিল যে মহিলাগৰাকীয়ে নিয়মীয়াকৈ ঘঁৰিয়ালৰ মাংস খাইছিল।
তদুপৰি, চিকিৎসকসকলে আন এক সাম্ভাব্য পৰিস্থিতিৰ প্ৰস্তাৱ দিছিল য'ত দূষিত মাংস সাপৰ মাংস বিক্ৰী কৰা বজাৰৰ দোকানৰ পৰাও আহিব পাৰে, যাৰ ফলত ক্ৰছ-দূষিত হ'ব পাৰে।
Continue Reading
