খ্ৰীষ্টান ধৰ্মৰ যাজক-নানসকলেও প’ৰ্ণ চায়! পোপ ফ্ৰাঞ্চিছে কৰিলে এই বিস্ফোৰক মন্তব্য

ডিজিটেল ডেস্কঃ আপুনি প’ৰ্ণ উপভোগ কৰেনে? নিশ্চয় প’ৰ্ণগ্ৰাফীৰ সংস্পৰ্শলৈ নহাকৈ কোনো আধুনিক লোক বৰ্তমান নাই। আনকি খ্ৰীষ্টান ধৰ্মৰ যাজক, পাদুৰী, নানসকলেও প’ৰ্ণ চায়।

কেথ’লিক খ্ৰীষ্টান ধৰ্মৰ সৰ্বোচ্চ ব্যক্তি পোপ ফ্ৰাঞ্চিছে এই স্বীকাৰোক্তি কৰিছে। সোমবাৰে ৰোমৰ এটা অনুষ্ঠানত পোপে কয় যে প’ৰ্ণগ্ৰাফীয়ে মানুহৰ অত্মৰাত্মা দুৰ্বল কৰে।

“এইটো প্ৰায়ভাগ মানুহেই কৰা এটা অপকৰ্ম। আনকি পুৰোহিত-যাজক-নানসকলেও প’ৰ্ণ চায়।”- পোপে কয়- “প’ৰ্ণৰ দ্বাৰা আসুৰিক শক্তি মনত জন্ম হয়।”

ভেটিকান চিটিয়ে বুধবাৰে পোপৰ এই বক্তব্য সামাজিক মাধ্যমত মুকলি কৰিছে। তাত কোৱা দেখা গৈছে যে সকলোকে তেওঁ অনলাইন মাধ্যমত খ্ৰীষ্টান ধৰ্মৰ গৌৰৱগাথা প্ৰচাৰ কৰিবলৈ আহ্বান জনাইছে।

তদুপৰি তেওঁ কেথ’লিক খ্ৰীষ্টানসকলক প্ৰত্যেকৰে ফোনৰ পৰা প’ৰ্ণগ্ৰাফীসমূহ ডিলিট কৰিবলৈ আহ্বান কৰিছে। কয় যে ই মানুহৰ অত্মৰাত্মা প্ৰদূষিত কৰে।

৮৫ বছৰ বয়সীয়া পোপগৰাকীয়ে এই মন্তব্য কৰাৰ পাছতে বৰ্তমান ব্যাপক চৰ্চা লাভ কৰিছে।