ডিজিটেল ডেস্কঃ খেলি থাকোতে এটি আঢ়ৈ বছৰীয়া কন্যা শিশু কুঁৱাত পৰি গ’ল। তাৰ পিছতে লাগিল হুৱা-দুৱা। বহু চেষ্টাৰ মূৰত অগ্নি নিৰ্বাপক বাহিনীয়ে শিশুটিক জীৱিত অৱস্থাত উদ্ধাৰ কৰিবলৈ সক্ষম হৈছে। ঘটনাটো উৰিষ্যাৰ বোলাংগীৰ অঞ্চলত সংঘটিত হৈছে।
পদমপুৰ গাঁৱত খেলি থাকোতে ছোৱালীজনী কুঁৱাত পৰি যায়। এই ঘটনাৰ পিছতে আৰম্ভ কৰা হয় উদ্ধাৰ অভিযান। অগ্নি নিৰ্বাপক বাহিনীক লগে লগে খবৰ দিয়া হয় । উদ্ধাৰকাৰী দল ঘটনাস্থলীত গৈ উপস্থিত হয়।
বহু সময় ধৰি চলোৱা উদ্ধাৰ অভিযানৰ অন্তত শিশুটিক কুঁৱাৰ পৰা জীৱিত অৱস্থাত উদ্ধাৰ কৰা হৈছে।শিশুটিক জীৱন্ত অৱস্থাত উদ্ধাৰ কৰা কাৰ্যক স্থানীয় লোকে 'অলৌকিক' বুলি মন্তব্য কৰিছে। শিশুটিক উদ্ধাৰ কৰাৰ পিছত তেওঁক চিকিৎসালয়লৈ লৈ যোৱা হয়। তেওঁৰ অৱস্থা সুস্থিৰ বুলি চিকিৎসকসকলে প্ৰকাশ কৰিছে। বহুতে মন্তব্য যে সঠিক সময়ত উদ্ধাৰ অভিযান আৰম্ভ হোৱাৰ বাবেই শিশুটি ৰক্ষা পৰিছিল।
কেইদিনমান আগতে মধ্য প্ৰদেশৰ চেহোৰত এটা আঢ়ৈ বছৰীয়া ল’ৰা ৩০০ ফুট দ’ কুঁৱাত পৰিছিল। কিন্তু তেওঁক বচাব পৰা নগ'ল। প্ৰায় তিনি দিনৰ পিছত তেওঁৰ মৃতদেহ কুঁৱাৰ পৰা উদ্ধাৰ কৰা হৈছিল।
Continue Reading
