ঘৰ এখন গঢ়াৰ মন আছিল তেওঁৰ। এখন ভৰা সংসাৰৰ সপোন আছিল তেওঁৰ। কিন্তু সেই সপোন পূৰণ নহ’ল তেওঁৰ। মনে বিচৰা কইনা এগৰাকী বিচাৰি হাবাথুৰি খালে তেওঁ । কিন্তু বিচাৰি নাপালে কইনাজনী। সেয়ে মনৰ দুখতে আত্মহননৰ পথকেই বাচি ল’লে তেওঁ। এই মৰ্মান্তিক ঘটনাটো ঘটিছে কৰ্ণাটকৰ হ

Listen to Article

2 min read

80%

ডিজিটেল ডেস্কঃ ঘৰ এখন গঢ়াৰ মন আছিল তেওঁৰ। এখন ভৰা সংসাৰৰ সপোন আছিল তেওঁৰ। কিন্তু সেই সপোন পূৰণ নহ’ল তেওঁৰ। মনে বিচৰা কইনা এগৰাকী বিচাৰি হাবাথুৰি খালে তেওঁ । কিন্তু বিচাৰি নাপালে কইনাজনী। সেয়ে মনৰ দুখতে আত্মহননৰ পথকেই বাচি ল’লে তেওঁ। এই মৰ্মান্তিক ঘটনাটো ঘটিছে কৰ্ণাটকৰ হাভেৰী জিলাত।

জিলা খনৰ এজন লোকে কইনা বিচাৰি পোৱাত ব্যৰ্থ হোৱাৰ পিছতে বিহ সেৱন কৰি মৃত্যুবৰণ কৰে। আৰক্ষীয়ে প্ৰকাশ কৰা মতে লোকজনৰ নাম মঞ্জুনাথ নাগানুৰ ।আৰক্ষীয়ে জনোৱা অনুসৰি ৩৬ বছৰীয়া নাগানুৰে প্ৰায় আঠ বছৰ ধৰি পৰম আশাৰে কইনা বিচাৰি আছিল। কিন্তু তেওঁৰ প্ৰচেষ্টা নিষ্ফল আছিল, যাৰ ফলত তেওঁ গভীৰ হতাশাৰ চিকাৰ হৈছিল। সেই হতাশাৰ বাবেই তেওঁ আত্মহত্যাৰ পথ বাছি লয়।

আত্মহত্যাৰ টোকাত নাগানুৰে এইবুলি লিখি থৈ গৈছে যে কইনা বিচাৰি পোৱাত অক্ষম হোৱাৰ বাবে তেওঁৰ মাক-দেউতাক দুখিত হৈ পৰিছিল। নিৰাশা আৰু হতাশাত ভুগি তেওঁ নিজৰ জীৱন শেষ কৰাৰ সিদ্ধান্ত লৈছে। লোক জনৰ মৃত্যু সন্দৰ্ভত বিয়াদাগী আৰক্ষী থানাত এটা গোচৰ ৰুজু কৰা হৈছে আৰু তদন্ত চলি আছে বুলি আৰক্ষীয়ে প্ৰকাশ কৰিছে।

আৰু পঢ়ক : ওলোটা পুৰাণ ! নাগপুৰত পুৰুষৰ গৰ্ভত যমজ সন্তানৰ উপস্থিতি দেখি দাঁতে ওঁঠে কামোৰ খালে চিকিৎসকে