ডিজিটেল ডেস্কঃ অষ্ট্ৰেলিয়াৰ বিৰুদ্ধে এম চিদাম্বৰম ষ্টেডিয়ামত টীম ইণ্ডিয়াৰ তৃতীয়খন এদিনীয়া মেচ চলি আছে। অষ্ট্ৰেলিয়াই প্ৰথম ইনিংছত মজবুত স্থিতি লাভ কৰিছে। উইকেট লাভেৰে উজ্বলি উঠিছে কুলদ্বীপ যাদৱ, হাৰ্দিক পাণ্ডিয়া। ইয়াৰ মাজতে ব্যতিক্ৰমী ৰূপত দেখা গ’ল ৰোহিত শৰ্মাক।
আগ্ৰাসী ৰূপত দেখা গৈছে টীম ইণ্ডিয়াৰ অধিনায়কজনক। খেলৰ মাজতে থাকোঁতে বাৰে বাৰে খং উঠিছে ৰোহিতৰ। কেতিয়াবা শুবমান গিলৰ ওপৰত, কেতিয়াবা কুলদীপ যাদৱৰ ওপৰত খৰ্গহস্ত হৈ পৰিছে। ৰোহিতৰ খং দেখি বিৰাট কোহলিয়ে পৰিস্তিত চম্ভালিবলৈ আগবাঢ়ি আহিল।
টছত পৰাস্ত হৈ ভাৰতে চেন্নাইত প্ৰথমে বলিং কৰে। প্ৰথম ১০ অভাৰত কোনো উইকেট ল’ব পৰা নাছিল। কিন্তু এটা সুযোগ আহিল। শুবমানে সহজ সুযোগ হেৰুৱালে। শুবমানক লৈ ৰোহিতৰ খং উঠিল। ১১ নং অভাৰত বলিং কৰিছিল হাৰ্দিক পাণ্ডিয়াই। সেই সময়ত শ্বুবমেনে ট্ৰেভিছ হেডৰ বেটৰ পৰা উফৰি যোৱা বলটো ধৰিবলৈ সুযোগ পাইছিল। কিন্তু ধৰিব নোৱাৰিলে। অসন্তুষ্ট হৈ পৰিল ৰোহিত-হাৰ্দিক।
কুলদীপ যাদৱৰ ওপৰতো ৰোহিতৰ খং উঠিল। ভাৰতীয় বাওঁহাতৰ স্পিনাৰগৰাকীৰ বলে ডেভিদ ৱাৰ্নাৰৰ ভৰিত খুন্দা মাৰে। কুলদীপে এলবিডব্লিউৰ আবেদন কৰে। কিন্তু আম্পায়াৰে নট আউট নহয় বুলি সিদ্ধান্ত দিয়ে। কুলদীপে ৰোহিতক ৰিভিউ ল’বলৈ মানা কৰে। এনে সময়তে খেলপথাৰৰ ডাঙৰ পৰ্দাত ৰিপ্লে দেখুওৱা হয়। ৰোহিতে ৰিপ্লেটো দেখি কুলদীপৰ ওপৰত খং উজাৰে। ৱাৰ্নাৰ ৰিভিউটো ল’লে আউট হ’লহেঁতেন বুলি তেওঁ অনুঙৱ কৰে।
লগে লগে বিৰাটে ৰোহিতৰ ওচৰলৈ আহি বুজাবলৈ চেষ্টা কৰে। অৱশেষত ৱাৰ্নাৰৰ উইকেটটো কুলদীপেই লাভ কৰে। ৱাৰ্নাৰে ২৩ ৰান সংগ্ৰহ কৰি আউট হয়।
Continue Reading
