কি হ'ব? পৃথিৱীৰ ফালে আহি আছে কুটুব মিনাৰতকৈ ৬ গুণ ডাঙৰ গ্ৰহাণু

ডিজিটেল ডেস্কঃ এটা প্ৰকাণ্ড গ্ৰহাণু পৃথিৱীৰ ফালে আহি আছে। কাইলৈ অৰ্থাৎ ১১ মাৰ্চত পৃথিৱীৰ নিচেই ওচৰলৈ আহিব গ্ৰহাণুটো। এই গ্ৰহাণুটো কুটুব মিনাৰতকৈ ৬ গুণ ডাঙৰ। এই গ্ৰহাণুৰ আকাৰ ২২০ মিটাৰৰ পৰা ৪৯০ মিটাৰলৈকে হয়। কুটুব মিনাৰৰ আকাৰ ৭৩ মিটাৰ। সেই অনুসৰি এই গ্ৰহাণুটো কুটুব মিনাৰতকৈ ৬ গুণ ডাঙৰ। গ্ৰহাণুটোৰ নাম ডিআৰ215 বুলি সদৰী কৰিছে নাছাই। এই শিলটো বা গ্ৰহাণুটোক প্ৰথমবাৰৰ বাবে ১৮ ফেব্ৰুৱাৰী, ২০১৫ তাৰিখে দেখা গৈছিল।গ্ৰহাণুটোক লৈ নাছাৰ বিজ্ঞানীসকলে ভয় কৰাৰ কোনো প্ৰয়োজন নাই বুলি জনাইছে। বিজ্ঞানীসকলৰ মতে, ই পৃথিৱীৰ সৈতে যুঁজিব নোৱাৰে বা কোনো ধৰণৰ ক্ষতি হ'ব পৰাকৈ পৃথিৱীৰ ইমান ওচৰলৈ যাব নোৱাৰে। কিন্তু বিজ্ঞানীসকলে স্পষ্ট কৰি দিছে যে যদি ই পৃথিৱীৰ বায়ুমণ্ডলত প্ৰৱেশ কৰে তেন্তে ই সকলো ধ্বংস কৰি দিব। অৱশ্যে গ্ৰহাণুটো বায়ুমণ্ডলত প্ৰৱেশ কৰাৰ সম্ভাৱনা তেনেই কম। উল্লেখ্য যে এই শিলটো পৃথিৱীৰ পৰা ৪.২ মিলিয়ন মাইল দূৰত্বৰ মাজেৰে পাৰ হ'ব। মহাকাশৰ হিচাপত ইমান দূৰত্ব একো ডাঙৰ কথা নহয়। গ্ৰহাণুটোৱে প্ৰতি ছেকেণ্ডত ৮.৩ কিলোমিটাৰত গতি কৰি আছে। ৫ মাৰ্চতো আন এটা গ্ৰহাণু পৃথিৱীৰ নিচেই ওচৰেৰে একো ক্ষতি নকৰাকৈ পাৰ হৈ গৈছিল । আৰু পঢ়কঃ বিলাসী জীৱন কটাবলৈ বিক্ৰী কৰিছিল ড্ৰাগছ! গ্ৰেপ্তাৰ প্ৰেমিক-প্ৰেমিকা