ডিজিটেল ডেস্ক : কি কি থাকিব ৰণবীৰ আৰু আলিয়াৰ বিয়াৰ অভ্যৰ্থনাত৷ মেনুক লৈ ব্যস্ত এতিয়া ৰণবীৰ-আলিয়াৰ পৰিয়াল৷ ইতিমধ্যে বলীউডৰ দুই চেলিবিট্ৰি ৰণবীৰ কাপুৰ আৰু আলিয়া ভাটৰ বিবাহৰ তাৰিখে গুঞ্জন তুলিছে ছ'চিয়েল মিডিয়াকে ধৰি বলীউডকো৷ প্ৰতিদিনে এই দুই চেলিব্ৰিটিৰ বিবাহক লৈ ন-ন চৰ্চা অব্যাহত আছে৷ এইবাৰ অনুৰাগীসকলৰ এটাই চিন্তা আলিয়া ৰণবীৰৰ বিয়াৰ মেনুত থাকিব কি?
যদিও ৰণবীৰ কাপুৰ আৰু আলিয়া ভাটে এপ্ৰিলৰ মাজভাগত বিবাহপাশত আবদ্ধ হ'ব, তেওঁলোকে এপ্ৰিলৰ শেষৰ ফালে এক বিশাল বিবাহ অভ্যৰ্থনা আয়োজন কৰিবলৈ গৈ আছে৷ দম্পতীটোৰ এক ঘনিষ্ঠ সূত্ৰই প্ৰকাশ কৰিছে যে, ইতিমধ্য বিবাহৰ অভ্যৰ্থনাৰ যো-জাও চলিছে৷ পিছে কোন কোন চেলিব্ৰিটীক তেওঁলোকৰ অভ্যৰ্থনালৈ আমন্ত্ৰণ জনোৱা হৈছে?
এক সূত্ৰই লগতে কয়, 'ৰণবীৰ আৰু আলিয়াৰ বিবাহৰ অভ্যৰ্থনা এক আড়ম্বৰপূৰ্ণ বিষয় হ'ব। ৰণবীৰ সিং, দীপিকা পাডুকন, সঞ্জয় লীলা ভাঞ্চালী, আদিত্য চোপ্ৰা, শ্বাহৰুখ খান, অয়ন মুখাৰ্জী, আদিত্য ৰয় কাপুৰ, অৰ্জুন কাপুৰ, কৰণ জোহৰৰ দৰে বলীউডৰ তাৰকাসকলক ৰণবীৰ আৰু আলিয়াৰ অভ্যৰ্থনা অনুষ্ঠানলৈ আমন্ত্ৰণ জনোৱা হৈছে।'
ৰণবীৰ-আলিয়াৰ বিয়াৰ বিষয়ে কথা পাতি উদ্যোগৰ ভিতৰুৱা এজনে কয়, 'দুয়োটা পৰিয়ালে সিদ্ধান্ত লৈছে যে বিয়াখন এপ্ৰিলৰ মাজভাগত হ'ব। এই সিদ্ধান্তটো ৰণবীৰ আৰু আলিয়াৰ কামৰ প্ৰতিশ্ৰুতি আৰু পৰিয়ালৰ পণ্ডিতৰ দ্বাৰা বাছনি কৰা তাৰিখৰ ওপৰত আধাৰিত কৰি লোৱা হৈছে।' ৰণবীৰ আৰু আলিয়াৰ বিবাহৰ পাছত প্ৰথমখন ছবি অয়ন মুখাৰ্জীৰ ‘ব্ৰহ্মাস্ত্ৰ'ই মুক্তি লাভ কৰিব।
Continue Reading
