ডিজিটেল ডেস্কঃ আজিকালি প্ৰায়ে মানুহৰ বেক পেইন হয়। বিশেষজ্ঞসকলৰ মতে, যুৱক-যুৱতীসকলৰ মাজত এই সমস্যা দ্ৰুতগতিত বৃদ্ধি পাইছে। শেহতীয়া এক গৱেষণাৰ মতে যোৱা কেইবছৰমানৰ পৰা কঁকালৰ বিষ বা বেক পেইন সামাজিক স্বাস্থ্যৰ এক ডাঙৰ সমস্যা হিচাপে আত্মপ্ৰকাশ কৰিছে। যেতিয়া কঁকালৰ বিষ ৩ মাহতকৈ অধিক সময় থাকে তেতিয়া ই ক্ৰনিকৰ শ্ৰেণীত আহে।
বিশেষজ্ঞসকলেও এই কথাত একমত যে এতিয়া কঁকালৰ বিষ ৰোগীসকলৰ বাবে এক ডাঙৰ সমস্যা হৈ পৰিছে। ইয়াৰ দ্বাৰা আক্ৰান্ত ৰোগীসকল দ্ৰুতগতিত সংকটজনক অৱস্থাত উপনীত হৈছে। ই তেওঁলোকৰ সাধাৰণ আৰু পেছাদাৰী দুয়োটা জীৱনতে প্ৰভাৱ পেলায়। চিন্তনীয় কথাটো হ’ল বেছিভাগ যুৱক-যুৱতী এই ৰোগত আক্ৰান্ত হৈছে। এতিয়া ৩০ বা ৪০ বছৰ বয়সৰ মানুহকো এই সমস্যাই আগুৰি ধৰিছে। কিন্তু সময়মতে চিকিৎসা আৰু ব্যায়াম কাৰ্যকৰী কৰিলে এই ৰোগ নিয়ন্ত্ৰণ কৰিব পৰা যায়।
ভিটামিন ডিৰ অভাৱ
আধুনিক জীৱনশৈলীত শৰীৰে সূৰ্যৰ পোহৰৰ পৰা পৰ্যাপ্ত পৰিমাণৰ ভিটামিন ডি নাপায়, যাৰ ফলত কঁকালৰ বিষ হ’ব পাৰে। এই সমস্যাৰ পৰা পৰিত্ৰাণ পাবলৈ সময়মতে পৰীক্ষা আৰু চিকিৎসা কৰাটো অতি প্ৰয়োজনীয়। ইয়াৰ লগতে জীৱনশৈলীৰ পৰিৱৰ্তন কৰাটোও গুৰুত্বপূৰ্ণ, যেনে শৰীৰে পৰ্যাপ্ত পৰিমাণৰ ভিটামিন ডি আৰু অন্যান্য পুষ্টিকৰ উপাদান পোৱাটো নিশ্চিত কৰা, নিয়মিতভাৱে ব্যায়াম কৰা, মানসিক চাপ কমোৱাৰ বাবে ধ্যানৰ অভ্যাস কৰা।
ভিটামিন ডি সমৃদ্ধ খাদ্য
কাঠফুলা
লিভাৰ
মাছ (সতেজ বা শুকান)
কণী
গাখীৰ আৰু গাখীৰৰ পৰা তৈয়াৰী সামগ্ৰী, যেনে দৈ আৰু পনিৰ
খাব পৰা তেল (বাদাম তেল, আখৰোটৰ তেল আৰু তিল তেল)
Continue Reading
