ডিজিটেল ডেস্কঃ বিশ্বকাপ আৰম্ভ হোৱাৰ ১৮ দিন পূৰ্বে ইংলেণ্ডে চূড়ান্ত দলৰ কথা ঘোষণা কৰে। ইয়াৰ পূৰ্বে তেওঁলোকে ১৭ জনীয়া এটা দল ঘোষণা কৰিছিল। এইবাৰ দুজন লোকক বাদ দি ১৫ জন সদস্যৰ নাম উল্লেখ কৰা হৈছে।
যোৱা বিশ্বকাপত চমক সৃষ্টি কৰা বলাৰ জোফ্ৰা আৰ্চাৰে এইবাৰ স্থান নাপালে। পূৰ্বে ১৭ জনীয়া দলৰ পৰাও হেৰী ব্ৰুকক বাহিৰ কৰি দিয়া হৈছিল। কিন্তু পিঠিৰ আঘাতৰ বাবে জেছন ৰয় খেলপথাৰৰ পৰা আঁতৰি থকাৰ বাবে ব্ৰুকক দললৈ অনা হৈছে।
উল্লেখ্য যে ২৭ ছেপ্টেম্বৰলৈকে ইংলেণ্ডে দল সলনি কৰিব পাৰিব। বিশ্বকাপত ইংলেণ্ডৰ হৈ বেন ষ্টকছৰ প্ৰদৰ্শন লক্ষ্যণীয় হ’ব। কিছুদিন পূৰ্বে নিউজিলেণ্ডৰ বিৰুদ্ধে ১২৪টা বলত ১৮২ ৰান সংগ্ৰহ কৰিছিল ষ্ট’কে। ইংলেণ্ডৰ হৈ এদিনীয়া ক্ৰিকেটত এয়া সৰ্বোচ্চ ব্যক্তিগত ৰান।
ইংলেণ্ড দলত পেচ বলাৰৰ প্ৰচুৰতা আছে। ছেম কাৰেন, ৰিজ টপলি, ডেভিদ উইলি, মাৰ্ক উড আৰু ক্ৰীছ ৱ’কেছ আছে। দলটোত আছে ছাৰপ্ৰাইজ পেচাৰ গাছ এটকিনছন, যিয়ে ইয়াৰ পূৰ্বে মাত্ৰ তিনিখন এদিনীয়া খেলিছে। স্পিনাৰ হৈছে আদিল ৰছিদ আৰু ময়েন আলী।
Continue Reading
