ডিজিটেল ডেস্কঃ চলিত বিশ্বকাপৰ প্ৰথমখন খেলতে অভিলেখৰ বৰষুণ পৰিছিল। নিউজিলেণ্ডে ইংলেণ্ডক ৯ উইকেটত পৰাস্ত কৰে। এই মেচখনত কেইবাটাও নজিৰ দেখা গৈছে।
১) নিউজিলেণ্ডৰ কনিষ্ঠ ক্ৰিকেটাৰ হিচাপে ৰচিন ৰবিন্দ্ৰই বিশ্বকাপ শতক অৰ্জন কৰিছে। দলটোত কেন উইলিয়ামছনৰ সলনি তিনি নম্বৰত ক্ৰিজত নামে।২৩ বছৰ ২৯১ দিন বয়সত শতক অৰ্জন কৰি তেওঁ এই নজিৰ গঢ়ি তুলিছিল। পূৰ্বে নাথান এষ্টলেৰ নামত আছিল এই অভিলেখ।
২) বিশ্বকাপৰ ইতিহাসত নিউজিলেণ্ডৰ আটাইতকৈ ডাঙৰ পাৰ্টনাৰশ্বিপ। কনৱে আৰু ৰবীন্দ্ৰই দ্বিতীয় উইকেটৰ বাবে ৩৫.১ অভাৰত ২৭৩ ৰান সংগ্ৰহ কৰে। বিশ্বকাপত সেই দেশৰ ভিতৰত এইটোৱে সৰ্বোচ্চ ৰাণৰ যুটী। ইয়াৰ পূৰ্বৰ অভিলেখ আছিল ১৯৯৬ চনৰ বিশ্বকাপত লি জাৰ্মন আৰু ক্ৰীছ হেৰিছৰ ১৬০ ৰান।
৩) বিশ্বকাপৰ ৰান চেজত ১৫০ বা তাতকৈ অধিক ৰান সংগ্ৰহ কৰা প্ৰথমজন ক্ৰিকেটাৰ হিচাপে কনৱেই এই নজিৰ গঢ়ি তুলিছিল। ৮৩টা বলত শতক অৰ্জন কৰে। পৰৱৰ্তী ৩৮টা বলত তেওঁ ৫২ ৰান সংগ্ৰহ কৰে। ১৫২ ৰানত অপৰাজিত হৈ থাকে।
৪) ৰান চেজত সৰ্বোচ্চ যুটী। ২৭৩ ৰানৰ এই অংশীদাৰিত্ব আগতে কেতিয়াও হোৱা নাছিল। ২০১১ চনৰ বিশ্বকাপত শ্ৰীলংকাৰ টিল্লাকাৰত্নে দিলশ্বান আৰু উপুল থাৰংগাৰে ২৩১ ৰানৰ অভিলেখ ভংগ কৰিছিল।
Continue Reading
