ডিজিটেল ডেস্ক ক্ৰিকেট খেলি থকা অৱস্থাতে হৃদৰোগত আক্ৰান্ত হৈ মৃত্যুবৰণ কৰিলে এজন ছাত্ৰই। উত্তৰ প্ৰদেশৰ কানপুৰত সংঘটিত হৈছে এই মৰ্মান্তিক ঘটনাটো। বন্ধুবৰ্গৰ সৈতে দশম শ্ৰেণীৰ এজন ছাত্ৰই ক্ৰিকেট খেলি থাকোতেই হৃদযন্ত্ৰ বিকল হৈ মৃত্যুক সাৱটি লয়।
১৬ বছৰীয়া ল’ৰাজনৰ নাম অনুজ। বুধবাৰে কানপুৰৰ বিলহাউৰৰ বিচি গ্ৰাউণ্ডত তেওঁৰ বন্ধুবৰ্গৰ সৈতে ক্ৰিকেট খেলি আছিল। ক্ৰিকেট খেলি থাকোতেই তেওঁ ৰাণ ল’বলৈ দৌৰোতে মাটিত পৰি যায়। লগালগ অচেতন হৈ পৰে। বন্ধুসকলে তেওঁৰ চেতনা ঘূৰাই পাবলৈ চেষ্টা কৰিছিল যদিও ব্যৰ্থ হয়।
তাৰপাছতে ততাতৈয়াকৈ তেওঁক স্থানীয় চিএইচচি চিকিৎসালয়লৈ লৈ যোৱা হয়। কিন্তু তেওঁক বচাব পৰা নগ’ল। চিকিৎসকসকলে জনায় যে হৃদৰোগত আক্ৰান্ত হৈ মৃত্যু হৈছে ছাত্ৰজন। তাৰপাছতে শোকৰ ছাঁ পৰিছে অঞ্চলটোত।
Continue Reading
