ডিজিটেল ডেস্কঃ ক্ৰিকেট এৰি আৰক্ষী বিষয়া হ’ল নেকি মহেন্দ্ৰ সিং ধোনী? শেহতীয়াকৈ আৰক্ষীৰ ৰূপত ধোনীৰ এখন ফটো ভাইৰেল হৈ পৰিছে। ফটোখনত ধোনীক আৰক্ষীৰ খাকী পোছাক পিন্ধি পথৰ কাষত গৈছে। ছবিখন দেখি ধোনীৰ অনুৰাগীসকলো হতবাক হৈ পৰিছে।
ভাৰতৰ কিংবদন্তী অধিনায়ক মহেন্দ্ৰ সিং ধোনীয়ে ইণ্ডিয়ান প্ৰিমিয়াৰ লীগৰ ২০২৩ সংস্কৰণৰ আগতে প্ৰশিক্ষণ আৰম্ভ কৰিছে। এগৰাকী ক্ৰিকেটাৰ হিচাপে ধোনীয়ে যথেষ্ট সফলতা লাভ কৰিছে। মিডল অৰ্ডাৰ বেটছমেন, ফিনিচাৰ, উইকেট-কিপাৰ, আৰু অধিনায়ক – যি ভূমিকাতে নহওক, সফলতাই তেওঁক ছানি ধৰিছে।
উল্লেখ্য যে ধোনী ভাৰতীয় টেৰিটৰিয়েল আৰ্মীৰ সৈতেও জড়িত। তেওঁ লেফটেনেণ্ট কৰ্ণেলৰ সন্মানীয় পদবীত অধিষ্ঠিত। কিন্তু এইবাৰ তেওঁক এজন আৰক্ষীৰ চৰিত্ৰত দেখা গৈছে। কিন্তু এইবাৰ ধোনীক এক সম্পূৰ্ণ নতুন চৰিত্ৰত দেখা পোৱা গৈছে। তেওঁক এজন আৰক্ষী বিষয়াৰ ভূমিকাত দেখা গৈছে।
অনুৰাগীসকলৰ মনৰ প্ৰশ্নটো হ’ল, ভাৰতৰ প্ৰাক্তন অধিনায়কগৰাকীয়ে আই পি এলৰ আগন্তুক ছিজনত কিয় ক্ৰিকেট এৰি এজন আৰক্ষীৰ ভূমিকা পালন কৰিছে? জানিব পৰা গৈছে যে ধোনী কোনো বিজ্ঞাপনৰ দৃশ্যগ্ৰহণৰ বাবে এজন আৰক্ষী বিষয়া হৈ পৰিছে। সেই বিজ্ঞাপনটো সোনকালেই দেখা যাব।
অৱশ্যে প্ৰথম বাৰৰ বাবে নহয়, ইয়াৰ পূৰ্বেও ধোনীয়ে এজন আৰক্ষী বিষয়াৰ ৰূপ লৈছিল। তেতিয়াও ভাইৰেল হৈ পৰিছিল ধোনীৰ লুকটো। সেইখনো এটা বিজ্ঞাপনৰেই ফটো আছিল।
Continue Reading
