ডিজিটেল ডেস্কঃ অষ্ট্ৰেলিয়াই এদিনীয়া ক্ৰিকেটত বিশ্ব জয় কৰাৰ পিছত ভাৰতৰ বিৰুদ্ধে টি-২০ শৃংখলাত খেলি আছে। তাত প্ৰথম দুখন মেচত পৰাস্ত হৈছিল অষ্ট্ৰেলিয়া। তৃতীয় মেচত জয়ী হৈছে। বিশ্বকাপ বিজয়ী অধিনায়ক পেট কামিন্স এই ছিৰিজত নাই। জিৰণি লোৱা কামিন্সে দলটোৰ পৰাজয়ক বেছি গুৰুত্বসহকাৰে লোৱা নাই।
বিশ্বকাপৰ ফাইনেলত ভাৰতক পৰাস্ত কৰাৰ চাৰিদিন পিছতে আৰম্ভ হৈছিল টি-২০ শৃংখলা। সেই দলৰ পৰা সাতজন ক্ৰিকেটাৰক ৰাখি অষ্ট্ৰেলিয়াই দলটো গঠন কৰিছিল। যদিও তেওঁলোকে প্ৰথম দুখন মেচৰ অন্তত ছয়জনক দেশলৈ ঘূৰাই পঠিয়াইছে।
কামিন্সে কয়, “তেওঁলোক মানুহ, ৰবট নহয়। বিশ্বকাপত সকলো উজাৰি দিছিল। দুদিন পিছত আকৌ খেলিবলৈ নামি আহিলে ১০০ শতাংশ দিব নোৱাৰিলেও একো নকয়। অৱশ্যেই তেওঁলোকে অষ্ট্ৰেলিয়াৰ হৈ খেলিছে। এই চিৰিজটো তৰুণসকলৰ বাবে এক ডাঙৰ সুযোগ।’’
Continue Reading
