ডিজিটেল ডেস্কঃ ক্ৰিকেট খেলপথাৰত বিভিন্ন ধৰণৰ আউট-এ শিৰোনাম দখল কৰিছে। কিছুমান আউট হাস্যকৰ হোৱা দেখা গৈছে। ইউৰোপৰ এখন ক্ৰিকেট মেচতো দেখা গ’ল একেধৰণৰ ঘটনা। বেটছমেনজনে অদ্ভুত ধৰণে আউট হয়, যাৰ ভিডিঅ’ ছ’চিয়েল মিডিয়াত ভাইৰেল হৈ পৰে।
এই ঘটনা সংঘটিত হৈছে ইউৰোপৰ এখন ক্ৰিকেট খেলত। অফ ষ্টাম্পৰ বহু বাহিৰত ভালদৰে বল কৰিছিল বলাৰগৰাকীয়ে। বেটছমেনজনে উইকেটৰ পিছফালে শ্বটটো খেলিবলৈ গৈছিল। সেই শ্বটটোৰ পৰা উফৰি অহা কেচ ধৰিবলৈ উইকেটকীপাৰজনেও আগবাঢ়ি গৈছিল। কিন্তু বেটছমেনৰ শ্বটটো উইকেটকীপাৰৰ হেলমেটত খুন্দা মাৰি ওপৰলৈ উঠি গ’ল। শ্বৰ্ট থাৰ্ড মেনত ফিল্ডাৰজনে দৌৰি আহি কেচটো লয়। কাৰণ বলটোৱে মাটি স্পৰ্শ কৰা নাই, সেয়েহে ইয়াক আউট বুলি গণ্য কৰা হয়।
কিছুদিন পূৰ্বে নেপালৰ বিৰুদ্ধে এখন খেলত পাকিস্তানৰ মহম্মদ ৰিজৱানক অদ্ভুত ধৰণে ৰান আউট হৈছিল। ২৪ নং অভাৰত তেওঁ আউট হয়। ৰিজৱানে ৪৪ ৰানত বেটিং কৰিছিল। সহজ ৰাণ এটা ল’বলৈ দৌৰিলে তেওঁ। কিন্তু নেপালৰ দিপেন্দ্ৰ সিঙে উইকেটলৈ লক্ষ্য কৰি বলটো দলিয়াই দিয়ে। ৰিজৱানে ক্ৰীজত সোমোৱাৰ আগতে জপিয়াই পৰিল। কিন্তু তেওঁৰ বেটখন মাটিত নাথাকিল। সেইবাবেই তেওঁক ৰাণ আউট দিয়া হৈছিল।
Continue Reading
