ডিজিটেল ডেস্কঃ দিন ভাল চলিছে কিলিয়না এমবাপেৰ। চলিত বিশ্বকাপত পাঁচটাকৈ গ’ল কৰি ফৰ্মৰ শিখৰত থকা এমবাপেৰ জীৱনলৈ আহিছে নতুন প্ৰেম। ২৩ বছৰীয়া ফৰাচী তাৰকাগৰাকী প্ৰেমত পৰিছে ৰ’জ বাৰ্ট্ৰাম নামৰ এগৰাকী মডেলৰ স’তে। জানিব পৰামতে, এমবাপেৰ স’তে প্ৰেমত মজি ৰ’জে কাটাৰলৈও আহিছে।
২৭ বছৰীয়া ৰ’জৰ জন্ম বেলজিয়ামত যদিও ফ্ৰান্সত বাস কৰি আহিছে। ইতিমধ্যে পেৰিছৰ ফেশ্বন উদ্যোগত সুনাম গঢ়ি তুলিছে তেওঁ। ১৩ বছৰ বয়সৰ পৰা ৰ’জে ল’ৰিয়েল আৰু এইচ এমৰ দৰে বিশ্ববিখ্যাত ব্ৰেণ্ডৰ সৈতে কাম কৰি আহিছে।
ইয়াৰ পূৰ্বে ৰ’জে এমবাপেৰ ক্লাব পিএছজিৰ এগৰাকী ডাচ্চ ডিফেণ্ডাৰ গ্ৰেগৰী ভান ডাৰ ৱেইলৰ সৈতে চাৰি বছৰীয়া সম্পৰ্কত আছিল। ভেন ডাৰ ডেৰে ২০১২-২০১৬ বৰ্ষৰ পৰা পিএছজিত খেলিছিল। এতিয়া শুনা গৈছে যে ৰ’জ এমবাপেৰ সৈতে গভীৰ সম্পৰ্কত মজি আছে। অৱশ্যে, কোনেও এই বিষয়ে এতিয়ালৈকে মুখ খোলা নাই।
উল্লেখ্য যে এমবাপেই ফ্ৰান্সৰ প্ৰথম ট্ৰেন্স মডেল ইননেছ ৰাউৰ স’তে সম্পৰ্কত থকা বুলি গুঞ্জন উঠিছিল। কিন্তু বিশ্বকাপ চলি থকাৰ সময়তে এমবাপেৰ মনত এতিয়া ‘গোলাপ’ ফুলিছে।
