কিমান টকাত নিলাম হৈছিল হিটলাৰৰ ঘড়ী? জানি আপুনিও হৈ পৰিব আচৰিত

 ডিজিটেল ডেস্ক : জাৰ্মান একনায়কত্ববাদী নেতা হিটলাৰৰ ঘড়ীটো আমেৰিকাত ১১ লাখ ডলাৰত নিলাম কৰা হৈছিল। এই নিলামৰ আয়োজন কৰিছিল আমেৰিকাৰ মেৰিলেণ্ডৰ আলেকজেণ্ডাৰ হিষ্ট’ৰিকেল অকচনে। এই ঘড়ীটো কিনিছে এজন অনামী ব্যক্তিয়ে। হিটলাৰৰ এই ঘড়ীটো বনাইছিল জাৰ্মান ঘড়ী সংস্থা হিউমাৰে।

 ঘড়ীৰ ইতিহাস কি?

নিলাম কোম্পানীটোৰ মতে, এই ঘড়ীটো হিটলাৰে ৪৪সংখ্যক জন্মদিনত লাভ কৰিছিল। ইতিহাস বিশেষজ্ঞসকলে ঘড়ীটোৰ প্ৰামাণ্যতা পৰীক্ষা কৰিছিল আৰু তেওঁলোকৰ তদন্তত ঘড়ীটো আচল বুলি প্ৰমাণিত কৰিছিল। কোৱা হয় যে ১৯৪৫ চনৰ ৪ মে’ত ফৰাচী সৈন্যৰ এটা দলে বাৰ্গহোপত হিটলাৰৰ ঘৰত আক্ৰমণ চলোৱাৰ লগতে কৰিছিল লুটপাত।

 নিলামত আৰু সামগ্ৰী আছিল-

এক খবৰ অনুসৰি এই নিলামত হিটলাৰৰ ঘড়ীৰ লগত আন আন সামগ্ৰীও আছিল, য’ত হিটলাৰৰ পত্নী ইভা ব্ৰাউনৰ পোছাক আৰু হিটলাৰৰ বিষয়াসকলৰ স্বাক্ষৰিত ফটোও আছিল।

 নিলামত আপত্তি-

সংবাদ মাধ্যমত প্ৰকাশিত একাংশ বাতৰিত কোৱা হৈছে যে এই সপ্তাহত অনুষ্ঠিত হোৱা ঘড়ীটোৰ নিলামত ইহুদী নেতা আৰু আন একাংশই তীব্ৰ আপত্তি কৰি ঘড়ীটোৰ কোনো ঐতিহাসিক মূল্য নাই বুলিও কয়। চেচাপিক চহৰত এই ঐতিহাসিক সামগ্ৰীসমূহ নিলাম কৰা আলেকজেণ্ডাৰ হিষ্ট’ৰিকেল অকচনে এই ঘড়ীটোক ঐতিহাসিকভাৱে দ্বিতীয় বিশ্বযুদ্ধৰ ধ্বংসাৱশেষ বুলি অভিহিত কৰি ইয়াৰ মূল্য ২০ৰ পৰা ৪০ লাখ ডলাৰৰ ভিতৰত নিৰ্ধাৰণ কৰিছিল।