ডিজিটেল ডেস্কঃ ক্ৰিষ্টিয়ানো ৰোণাল্ডোৰ বাবে ইনষ্টাগ্ৰামত আৱেগিক বাৰ্তা প্ৰেৰণ কৰিলে বিৰাট কোহলীয়ে৷ ৰোণাল্ডোক সৰ্বকালৰ শ্ৰেষ্ঠ ফুটবলাৰ হিচাপেও আখ্যা দিয়ে টীম ইণ্ডিয়াৰ তাৰকাগৰাকীয়ে৷
‘‘ফুটবল আৰু ফুটবলপ্ৰেমীসকলৰ বাবে তুমি যি কৰিছা, সেয়া কোনো ট্ৰফী বা কোনো পুৰস্কাৰৰ জৰিয়তে বিচাৰ কৰিব নোৱাৰি৷ মানুহৰ ওপৰত তোমাৰ প্ৰভাৱ, তোমাৰ খেলা চাই থাকোতে আমাৰ মনত কি ভাৱ হয়, তাৰ বিচাৰ কোনো ট্ৰফীয়ে দিব নোৱাৰে৷ এয়া ঈশ্বৰৰ আৰ্শীবাদ৷’’- কোহলীয়ে লিখে৷
উল্লেখ্য যে ফুটবল কেৰিয়াৰৰ শেষৰখন বিশ্বকাপ হিচাপে কাটাৰ বিশ্বকাপ সুখৰ নহ’ল ক্ৰিষ্টিয়ানো ৰোণাল্ডো৷ কোৱাৰ্টাৰ ফাইনেলৰ পৰাই বাহিৰ হ’ব লগা হ’ল ৰোণাল্ডোৰ দল পৰ্তুগাল৷ ৰোণাল্ডোৱে নিজেও উন্নত মানৰ প্ৰদৰ্শন আগবঢ়াব নোৱাৰিলে৷ পূৰণ নহ’ল ৰোণাল্ডোৰ বিশ্বকাপ জয়ৰ সপোন৷
ইনষ্টাগ্ৰামত ৰোণাল্ডোৰ এখন ছৱি শ্বেয়াৰ কৰি কোহলীয়ে লিখে- ‘‘প্ৰত্যেকবাৰ খেলপথাৰত নিজকে উজাৰি দিছা তুমি৷ কঠিন পৰিশ্ৰম আৰু অধ্যৱসায়ৰ মূৰ্ত প্ৰতীক তুমি৷ যিকোনো ক্ৰীড়াবিদৰ আদৰ্শ তুমি৷ তুমি আমাৰ বাবে বিশ্বৰ সৰ্বকালৰ শ্ৰেষ্ঠ৷’’
উল্লেখ্য যে ইয়াৰ পূৰ্বেও ৰোণাল্ডোৰ প্ৰতি তীব্ৰ অনুৰাগ প্ৰকাশ কৰি আহিছে কোহলীয়ে৷ ৰোণাল্ডোৰ ফিটনেছ সজাগতাই কোহলীক অনুপ্ৰেৰণা যোগাই আহিছে৷ ৰোণাল্ডোৰ স’তে সাক্ষাতো হৈছে কোহলীৰ৷
Continue Reading
