ডিজিটেল ডেস্ক: হৰিদ্বাৰত সংঘটিত হৈছে ভয়ংকৰ ঘটনা৷ তেজৰ কৰ্কটত আক্ৰান্ত এটি ৫বছৰীয়া শিশুক পিতৃ-মাতৃয়ে গংগাস্নান কৰোৱাবলৈ আনোতে কৰুণভাৱে মৃত্যুক আঁকোৱালি লয় শিশুটোৱে৷
বুধবাৰে আৰক্ষীয়ে জনোৱা অনুসৰি তেজৰ কৰ্কট ৰোগত আক্ৰান্ত ৫বছৰীয়া শিশুটোক হৰিদ্বাৰৰ গংগা নদীত শ্বাসৰুদ্ধ হৈ মৃত্যু হোৱালৈকে ডুবাই ৰখা হৈছিল। আৰক্ষীয়ে কৈছিল যে শিশুটিৰ পিতৃ-মাতৃয়ে তেওঁক মুখ্য ঘাট ব্ৰহ্মকুণ্ডলৈ লৈ আহিছিল৷ চিকিৎসকে শিশুটোৱে কেতিয়াও কৰ্কট ৰোগৰ বিৰুদ্ধে যুঁজত জয়ী নহ’ব বুলি কোৱাৰ পাছত পিতৃ-মাতৃয়ে অলৌকিক আৰোগ্যৰ আশা কৰিছিল।
মহানগৰ আৰক্ষী অধীক্ষক স্বতন্ত্ৰ কুমাৰে কয়, অন্ধবিশ্বাসী পিতৃ-মাতৃসকলে ভাবিছিল যে যদি তেওঁলোকৰ পুত্ৰই পৱিত্ৰ গংগাত স্নান কৰে, তেন্তে তেওঁ এই ৰোগৰ পৰা আৰোগ্য হ’ব৷ আৰক্ষীয়ে সদৰী কৰা অনুসৰি, তেওঁক মাক-দেউতাকৰ সন্মুখত ডুবাই দিয়া হৈছিল। শিশুটোৱে প্ৰথমে চিঞৰি আছিল, কিন্তু পাছত ডাঙৰ কান্দোন বন্ধ হ'ল। উপস্থিত ৰাইজে শিশুটোক ততাতৈয়াকৈ চিকিৎসালয়লৈ লৈ যায়, য'ত তেওঁক মৃত ঘোষণা কৰা হয়৷
আৰক্ষী বিষয়াজনে কৈছিল যে মৃতকৰ মৰণোত্তৰ পৰীক্ষাৰ প্ৰতিবেদন প্ৰকাশ হোৱাৰ পাছত পৰৱৰ্তী পদক্ষেপ গ্ৰহণ কৰা হ'ব। এই বিষয়টোৰ এতিয়া তদন্ত চলি আছে৷
Continue Reading
